వయస్సు పెరిగినా కొద్దీ సినిమా అవకాశాలు కూడా పెరుగుతూ వచ్చే హీరోయిన్‌ ఎవరు అంటే నయన్‌. ఈ అమ్మడు సినిమాకు ఓకే చెప్పేముందు చాలా కండీషన్లు పెడుతుంటుంది. సినిమా ప్రమోషన్‌ కార్యక్రమాలకు తనకు సంబంధం లేదు అని, కనీసం ఒక్క ఇంటర్య్వూలో కూడా పాల్గొననని చాలా డైరెక్ట్‌గా చెప్పేస్తుంది. అంతేకాదు రేటును కూడా కోట్లలో డిమాండ్‌ చేస్తుంటది. అయితే ఇన్ని కండీషన్లు పెట్టినా కూడా దర్శకనిర్మాతలు నయన్‌ కోసం క్యూ కడతారు. ఇక వరుస హిట్లు, మంచి నటనతో ఈ అమ్మడి జోరు మామూలుగా లేదు. అప్పట్లో కోటి డిమాండ్‌ చేసి వార్తల్లో నిలిచిన నయన్‌ మరోసారి రికార్డు బ్రేక్‌ చేసింది.
తన పారితోషికాన్ని తాజాగా భారీగా పెంచేసింది. ఎలాంటి ప్రమోషన్‌ కార్యక్రమాలతో సంబంధం లేకుండా తనకు ఆరుకోట్లు ఇస్తేనే డీల్‌ ఒకే అంటోంది. నయన్‌ డిమాండ్‌తో హీరోయిన్ల పారితోషికాలు అమాంతం పెరుగుతున్నాయి. చేతినిండా ప్రాజెక్ట్‌లతో రంజు మీదున్న నయన్‌ మరీ ఇంతలా రేటు పెంచడంతో దర్శకనిర్మాతలు షాకవుతున్నారు. ఏది ఏమయినా నయన్‌ డేట్ల కోసం ఎంతడిగినా ఇవ్వక తప్పదు కదా. అందుకే మరీ ఇంతలా రేటు పెంచినా ఆఫర్లలో వచ్చే మార్పు ఏం ఉండదు. దీపం ఉన్నప్పుడే ఇళ్లు చక్కదిద్దుకోవాలి అనే సూక్తి నయన్‌ బాగా ఒంట బట్టించుకున్నట్టుంది. అందుకే హిట్లు ఉన్న సమయంలో భారీ రేటును డిమాండ్‌ చేస్తోంది.
