అప్పుడు బాబాయితో ఇప్పుడు అబ్బాయితో..!

నందమూరి బాలకృష్ణ హీరోగా తెరకెక్కిన ‘జై సింహా’ చిత్రంలో ఐటెం సాంగ్‌ను నటాషా దోషి చేసిన విషయం తెల్సిందే. ఆ సినిమా ఫ్లాప్‌ అవ్వడంతో అమ్మడి అందాలను ఎవరు పట్టించుకోలేదు. ఆ తర్వాత పెద్దగా కనిపించకుండా పోయిన నటాషా మళ్లీ ఇప్పుడు నందమూరి కళ్యాణ్‌ రామ్‌ సినిమాలో ఐటెం సాంగ్‌ చేసింది. కళ్యాణ్‌ రామ్‌ హీరోగా తెరకెక్కిన ‘ఎంతమంచివాడవురా’ చిత్రంలో ఐటెం సాంగ్‌ను నటాషా దోషితో చేయించినట్లుగా సినీ వర్గాల ద్వారా సమాచారం అందుతోంది. ఇటీవలే కళ్యాణ్‌ రామ్‌ మరియు నటాషాలతో ఈ పాటను చేయించడం జరిగింది.

శతమానం భవతి మరియు శ్రీనివాస కళ్యాణం వంటి విభిన్నమైన ఫ్యామిలీ ఎంటర్‌టైనర్‌ చిత్రాలను తెరకెక్కించిన దర్శకుడు సతీష్‌ వేగేష్న ఈ చిత్రంను తెరకెక్కిస్తున్నాడు. తన గత రెండు సినిమాల్లో ఐటెం సాంగ్స్‌ను పెట్టని సతీష్‌ ఈసారి మాత్రం మాస్‌ ఆడియన్స్‌ను దృష్టిలో పెట్టుకుని ఒక మాస్‌ మసాలా సాంగ్‌ను పెట్టాడు. ఈ చిత్రంకు ఐటెం సాంగ్‌ అదనపు ఆకర్షణగా నిలుస్తుందని భావిస్తున్నారు. ఇక బాలయ్యతో ఐటెం సాంగ్‌ చేసిన నటాషా దోషికి పెద్దగా కలిసి రాలేదు. మరి ఈసారి అబ్బాయితో చేసిన ఐటెం సాంగ్‌తో అయినా లక్‌ కలిసి వస్తుందేమో చూడాలి.