ట్వీట్‌ సీక్వెల్‌ : హిట్‌ కొట్టావు లే నాని

‘గ్యాంగ్‌ లీడర్‌’ చిత్రం నిన్న ప్రేక్షకుల ముందుకు వచ్చింది. నిన్న సినిమా విడుదల కొన్ని గంటలు ఉండగా అంటే ఉదయం 7 గంటల సమయంలో నాని ఒక ఫొటోను సోషల్‌ మీడియాలో పోస్ట్‌ చేశాడు. ఆ ఫొటోలో నాని నటి లక్ష్మి బుజాలపై పడుకుని ఉన్నాడు. ఆ ఫొటోకు సినిమా సూపర్‌ హిట్‌ అయ్యింది అంటేనే లేపండి, లేదంటే డిస్ట్రబ్‌ చేయకండి అంటూ ట్వీట్‌ చేశాడు. దాంతో ఆ పోస్ట్‌ కాస్త వైరల్‌ అయ్యింది. సినిమాపై చాలా నమ్మకం ఉంటే తప్ప అంతలా నమ్మకంతో పోస్ట్‌ చేయడం కష్టం. నాని నమ్మకం నిలిచింది. గ్యాంగ్‌ లీడర్‌ చిత్రం సక్సెస్‌ అయ్యింది. దాంతో నిన్నటి ట్వీట్‌కు సీక్వెల్‌ ట్వీట్‌ నాని నుండి వచ్చింది.

నాని మొదటి ట్వీట్‌కు చాలా రెస్పాన్స్‌ వచ్చింది. గ్యాంగ్‌ లీడర్‌ చిత్రం చూసిన వారు నానిని ఉద్దేశించి ఇక లే నాని నువ్వు సూపర్‌ హిట్‌ కొట్టావు అంటూ కొన్ని వందల ట్వీట్స్‌ వచ్చాయి. సక్సెస్‌ కొట్టావు ఇక లే అంటూ వచ్చిన ట్వీట్స్‌కు స్పందించిన నాని మరోసారి ఫన్నీగా ట్వీట్‌ చేశాడు. నాని : ఏంటి బామ్మ మరీ ఇంత వైలెంట్‌గా లేపేశారు..? :: బామ్మ : ఒకసారి ట్విట్టర్‌లో మెన్షన్స్‌లో చూసుకో… ఈ ఫన్నీ ట్వీట్‌ మళ్లీ సోషల్‌ మీడియాలో వైరల్‌ అవుతోంది. మొత్తానికి నాని సమయస్ఫూర్తికి అంతా ఫిదా అవుతున్నారు.