అన్ని రకాల ప్రేక్షకులను ఆకట్టుకుంటూ తనదైన పాత్రల్లో నటిస్తూ ఒదిగిపోయే నాని తాజాగా ‘గ్యాంగ్‌ లీడర్‌’ చిత్రంతో ప్రేక్షకుల ముందుకు వచ్చాడు. విక్రమ్‌ కె కుమార్‌ తెరకెక్కించిన ఈ చిత్రానికి పాజిటివ్‌ టాక్‌ వచ్చింది. ఈ సినిమాకు మంచి టాక్‌ వచ్చినా కూడా కలెక్షన్లు రికార్డు ప్థాయిలో రాలేదని ట్రేడ్‌ వర్గాలవారంటున్నారు. ఇటీవల టాక్‌తో సంబంధం లేకుండా ఓపెనింగ్స్‌ భారీగా వసూలు అవుతున్నాయి. అలాంటిది సక్సెస్‌ బాటలో పయనిస్తున్న నానికి మాత్రం ఆ ఆ రేంజ్‌లో ఓపెనింగ్స్‌ రాలేదని తెలుస్తోంది.
నాని తర్వాత వచ్చిన జూనియర్ హీరోలు కూడా తొలి వారాంతంలో వసూళ్లతో రికార్డులు సొంతం చూసుకుంటున్నారు. టాక్‌తో సంబంధం లేకుండా ఒక్కో చిత్రానికి ఒక్కో మెట్టు ఎక్కుతున్నారు. అయితే నాని చిత్రాలకు నష్టాలు రాకున్నా కూడా రికార్డు స్థాయిలో వసూళ్లు లేవు. వరుస హిట్లతో దూసుకుపోతున్న నాని ఒక్కో సినిమాకి ఒక్కో మెట్టును ఎక్కాల్సిందని అభిమానులు ఆశ పడుతున్నారు. కాబట్టి తదుపరి చిత్రాల్లో అయినా నాని ఇంకాస్త మసాలా జోడించి కొంత మాస్ యాంగిల్‌లో కనిపిస్తే బావుంటుందేమో అని విశ్లేషకులు భావిస్తున్నారు.
