అక్కినేని నాగార్జున కెరియర్‌ మొదట్లో మన్మధుడిగా ప్రేమ కథలో నటించి మంచి గుర్తింపు తెచ్చుకున్నాడు. ఈయన ప్రస్తుతం లవ్‌ చిత్రాలను కాకుండా వైవిధ్యభరిత చిత్రాల్లో నటించడానికి ఆసక్తి చూపిస్తున్నాడు. అందుకే విభిన్నంగా ఉండే కథలను ఎంపిక చేసుకుంటున్నాడు. వరుస విజయాలతో తూసుకుపోతున్న నాగ్‌ త్వరలో ఓ భారీ మల్టీస్టారర్‌ చిత్రంలో నటించనున్నాడు అని టాక్‌ వినిపిస్తోంది. ఓ బడా నిర్మాత నాగ్‌ మరియు నాచురల్‌ స్టార్‌ నానిలతో ఓ చిత్రాన్ని ప్లాన్‌ చేస్తున్నాడట.
మల్టీస్టారర్‌ చిత్రాల్లో మంచి పేరు తెచ్చుకున్న నాగ్‌ మరియు వరుస సక్సెస్‌లతో దూసుకుపోతున్న నానిలకు సరిపోయే మంచి కథను ఎంపిక చేశాడట. త్వరలో ఈ ప్రాజెక్ట్‌ వివరాలు అన్నీ అధికారికంగా వెలువడనున్నాయి అని ఫిల్మ్‌ నగర్‌లో టాక్‌ వినిపిస్తోంది. మొత్తానికి ‘సోగ్గాడు’ నాగార్జున, ‘నేను లోకల్‌’ నానిలు కలిసి తెరపై కనిపిస్తే ఇక రచ్చ రచ్చే అని అభిమానులు సంబరపడిపోతున్నారు. అయితే ఈ ప్రాజెక్ట్‌ క్లారిటీపై అధికారిక ప్రకటన వచ్చే వరకు ఎదురు చూడాల్సిందే.
