నాచురల్‌ స్టార్‌ నాని నటించిన చిత్రం ‘గ్యాంగ్‌లీడర్‌’ తాజాగా ప్రేక్షకుల ముందుకు వచ్చింది. ఈ చిత్రంలో నాని విభిన్నమైన పాత్రలో కనిపించినా కూడా సక్సెస్‌ను సొంతం చేసుకుంది. మొదటి షో నుండే ఈ చిత్రానికి పాజిటివ్‌ టాక్‌ వచ్చింది. ఈ సక్సెస్‌ను పూర్తిగా ఎంజాయ్‌ చేయకుండానే తదుపరి చిత్రానికి సిద్దమవుతున్నాడు. ఇంద్రగంటి మోహనకృష్ణ దర్శకత్వంలో నాని ‘వి’ చిత్రంలో నటించనున్నాడు. ప్రస్తుతం అందుకు సంబంధించిన షూటింగ్‌ థాయ్‌లాండ్‌లో జరుగుతోంది. త్వరలోనే నాని కూడా థాయ్‌లాండ్‌ వెళ్లి షూటింగ్‌లో జాయిన్‌ అవుతాడని సమాచారం.
‘వి’ చిత్రంలో నానితో పాటు సుధీర్‌బాబు కూడా కీలక పాత్ర పోషిస్తున్నాడు. ఈ చిత్రంలో నాని నెగెటివ్‌ షేడ్స్‌లో కనిపించనున్నాడు అని టాక్‌ వినిపిస్తోంది. ప్రస్తుతం సుధీర్‌ బాబుకు సంబంధించిన సన్నివేశాలను చిత్రయూనిట్‌ థాయ్‌లాండ్‌లో చిత్రీకరిస్తున్నారు. నాని జాయిన్‌ అవగానే నాని, సుధీర్‌బాబుల కాంభోలో కీలక సన్నివేశాలను అక్కడ తెరకెక్కించనున్నారు. ఈ చిత్రంలో నివేధా థామస్‌ హీరోయిన్‌గా నటిస్తోంది.
