గ్యాంగ్‌ లీడర్‌ చిత్రాన్ని సెప్టెంబర్‌ 13వ తారీకున ప్రేక్షకుల ముందుకు తీసుకు రావాలని ఫిక్స్‌ చేశారు. మరో వారం రోజుల్లో ఈ విషయాన్ని చిత్ర యూనిట్‌ సభ్యులు అధికారికంగా ప్రకటించడంతో పాటు సినిమా టీజర్‌ను కూడా విడుదల చేసేందుకు ఏర్పాట్లు చేస్తున్నారు. వచ్చే నెలలో సినిమా ప్రమోషన్స్‌ను ప్రారంభించాలని కూడా నాని అండ్‌ టీం భావిస్తున్నారు. మైత్రి మూవీస్‌ వారు నిర్మిస్తున్న ఈ చిత్రంతో నాని మరో విజయాన్ని తన ఖాతాలో వేసుకుంటాడనే నమ్మకంను ఆయన అభిమానులు వ్యక్తం చేస్తున్నారు. ఈ చిత్రంలో నాని ఒక లేడీ గ్యాంగ్‌కు లీడర్‌గా వ్యవహరిస్తాడని తెలుస్తోంది.