నాచురల్‌ స్టార్‌ నాని నటించిన ‘గ్యాంగ్‌ లీడర్‌’ చిత్రం తాజాగా ప్రేక్షకుల ముందుకు వచ్చింది. విక్రమ్‌ కుమార్‌ దర్శకత్వంలో ఈ చిత్రంపై ముందు నుండి అంచనాలు తారా స్థాయిలో ఉన్నాయి. మొదటి షో నుండే పాజిటివ్‌ టాక్‌ను సొంతం చేసుకుని మంచి వసూళ్లను రాబట్టింది. ఏ పోటీ లేని కారణంగా తొలి వీకెండ్‌లో కలెక్షన్లు భారీగానే ఉన్నాయి. ప్రీ రిలీజ్‌ బిజినెస్‌ దాదాపు 30కోట్ల వరకు జరిగింది. అయితే తొలి వారాంతంలోనే సగం రాబట్టగలదు.
మొదటి వారంలో వసూళ్లు పర్వాలేదనిపించుకున్నాయి. సోమవారం నుండి అసలు బొమ్మ కనబడుతుంది. అప్పుడు కూడా ఇదే రేంజ్‌ కొనసాగితే ఈజీగా లాభాలను తెచ్చిపెట్టగలదు. నాని, లేడిగ్యాంగ్‌ సినిమాకు ప్లస్‌ అవడంతో ఈజీగా లాభాలను తెచ్చిపెట్టగలదు అని ట్రేడ్‌ వర్గాల వారు అంచనా వేస్తున్నారు. గ్యాంగ్‌లీడర్‌తో మరో సక్సెస్‌ను బుట్టలో వేసుకున్న నాని ఫుల్‌ ఖుషీ అవుతున్నాడు. ఇక హీరోయిన్‌ ప్రియా మోహన్‌ నటనకి కూడా మంచి మార్కులే పడ్డాయి.
