నాచురల్‌ స్టార్‌ నాని వరుస విజయాలతో దూసుకుపోతున్నాడు. నాని ప్రస్తుతం ‘నిన్ను కోరి’ చిత్రంలో నటిస్తున్నాడు. ఈ చిత్ర షూటింగ్‌ చివర దశకు చేరుకుంది. జూన్‌ 23న ఈ చిత్రాన్ని ప్రేక్షకుల ముందుకు తీసుకువస్తామని నిర్మాత దానయ్య తాజాగా ప్రకటించాడు. ఈ చిత్రం తర్వాత నాని దిల్‌రాజు నిర్మాణంలో వేణు శ్రీరామ్‌ దర్శకత్వంలో నటించనున్నాడు. ఇప్పటికే కథను కూడా సిద్దం చేశాడు దర్శకుడు. ఈ చిత్రం సెప్టెంబర్‌ లోగా షూటింగ్‌ను పూర్తి చేసుకుంది. అనంతరం నాని హను రాఘవపూడి దర్శకత్వంలో నటించనున్నాడు.
హను రాఘవపూడి ప్రస్తుతం నితిన్‌ హీరోగా ‘లై’ చిత్రాన్ని తెరకెక్కిస్తున్నాడు. ఈ చిత్ర షూటింగ్‌ను కూడా సెప్టెంబర్‌ వరకు పూర్తి చేసి విడుదల చేయనున్నారు. దాంతో ఆ తర్వాత నాని, హను రాఘవపూడిల కాంభో సెట్స్‌ మీదకు వెళ్లనుంది. వీరిద్దరు ‘కృష్ణగాడి వీరప్రేమగాథ’ చిత్రంతో ప్రేక్షకుల ముందుకు వచ్చారు.అది మంచి టాక్‌ను సొంతం చేసుకుని రికార్డు స్థాయిలో కలెక్షన్స్‌ రాబట్టిన విషయం తెల్సిందే. సక్సెస్‌ ఇచ్చిన దర్శకుడి మీద ఉన్న నమ్మకంతోనే నాని మరోసారి జతకట్టబోతున్నాడు.
