సీనియర్‌ హీరో రాజశేఖర్‌ అడపా దడపా చిత్రాలను చేస్తు పర్వాలేదనిపించుకుంటున్నాడు. ‘గరుడవేగ’ చిత్రంతో హిట్‌ను సొంతం చేసుకున్న రాజశేఖర్‌ మళ్లీ స్పీడును పెంచడానికి ప్రయత్నిస్తున్నాడు. తాజాగా ఒక కొత్త సినిమాకు రంగం సిద్దం అయ్యింది. అయితే హీరోయిన్‌ ఎవరు అయితే బావుటుంంది అని చిత్ర యూనిట్‌ ఒక లిస్ట్‌ను తయారు చేశారు. వారిలో పలువురు సీనియర్‌ హీరోతో నటించడానికి ఆసక్తి చూపలేదు.
ఎట్టకేలకు ముద్దుగుమ్మ నందిత శ్వేత రాజశేఖర్‌ సరసన రొమాన్స్‌ చేయడానికి గ్రీన్‌ సిగ్నల్‌ ఇచ్చింది. నందిత శ్వేత తెలుగు ప్రేక్షకులకు సుపరిచితురాలే. గత చిత్రాల్లో అందంతో, నటనతో ఈ అమ్మడు పర్వాలేదనిపించుకుంది. కూతురు హీరోయిన్‌గా ఎంట్రీ ఇచ్చినా కూడా ఈయన హీరోగా సినిమాలు చేస్తూనే ఉండడం మామూలు విషయం కాదు. అయితే అవి హిట్‌ అవుతాయా? లేదా అనేది ఇంకో విషయం. ప్రదీప్‌ కృష్ణమూర్తి ఈ చిత్రానికి దర్శకత్వం వహించనున్నారు. హీరోయిన్‌ ఎంపిక అవడంతో అంతా సెట్స్‌ మీదకు వెళ్లేందుకు చకాచకా ప్లాన్‌ చేస్తున్నారు.
