డైనమిక్‌ హీరో – నిర్మాత నందమూరి కల్యాణ్‌రామ్‌ ఇప్పుడు కెరీర్‌లో అద్భుతమైన ఫేజ్‌లో ఉన్నారు. అత్యంత వైవిధ్యమైన స్క్రిప్టులు సెలక్ట్ చేసుకుంటూ, తనదైన శైలిలో విలక్షణంగా దూసుకుపోతున్నారు. కల్యాణ్‌ రామ్ కెరీర్‌లో అత్యంత భారీ విజయాన్ని సొంతం చేసుకున్న సినిమా బింబిసార. అయితే బింబిసార పార్ట్ 2 ఉంటుందని మేకర్స్, యూనిట్‌ ఎప్పుడో ప్రకటించింది. మరి ఇప్పుడు దీనికి సంబంధించి అఫీషియ‌ల్ అనౌన్స్ మెంట్ ఇచ్చారు మేకర్స్.
Also Read : హీరో రాజ్ త‌రుణ్‌పై కేసు నమోదు.. మోసం చేశాడంటూ ప్రేయసి ఫిర్యాదు..
కల్యాణ్‌రామ్‌ పుట్టినరోజును పురస్కరించుకుని బింబిసార ప్రీక్వెల్‌ని అఫిషియల్‌గా అనౌన్స్ చేశారు మేకర్స్. క్రియేటివ్‌ కాన్సెప్ట్ పోస్టర్‌తో ఈ విషయాన్ని వెల్లడించారు. ‘బింబిసార కన్నా యుగాల ముందు త్రిగర్తలను ఏలిన లెజెండ్‌ని చూడడానికి సిద్ధంగా ఉండండి’ అంటూ ప్రీక్వెల్‌ని అనౌన్స్ చేశారు మేకర్స్. కళ్యాణ్ రామ్ కెరీర్ లో 22వ సినిమాగా తెర‌కెక్కుతున్న ఈ చిత్రాన్ని NKR22 అనే వ‌ర్కింగ్ టైటిల్ తో రూపొందించ‌నున్నారు.
Also Read : గొయ్యి తవ్వుతున్న రష్మిక..?
‘రొమాంటిక్‌’ సినిమాను తెరకెక్కించిన అనిల్‌ పాదూరి బింబిసార2కి దర్శకత్వం వహించనున్నారు. ఎన్టీఆర్‌ ఆర్ట్స్ ప్రతిష్టాత్మకంగా నిర్మించనుంది. అత్యంత భారీ స్థాయిలో, అత్యంత ఉన్నతమైన సాంకేతిక పనితనంతో కనువిందు చేసే దృశ్యకావ్యంగా తీర్చిదిద్దడానికి సన్నాహాలు జరుగుతున్నాయి. ప్రీ ప్రొడక్షన్‌ పనులు శరవేగంగా జరుపుకుంటోంది బింబిసార2. అతి త్వరలో సినిమాను ప్రారంభించడానికి సన్నాహాలు జరుగుతున్నాయి.
