అక్కినేని ప్రిన్స్‌ అఖిల్‌ అక్కినేని ఓ బ్లాక్‌బస్టర్‌ కోసం ఎప్పటి నుండో చాలా ఆసక్తిగా ఎదురు చూస్తున్నాడు. అక్కినేని అభిమానులు సైతం అఖిల్‌ నుండి భారీ విజయాన్ని ఆశిస్తున్నారు. అయితే అఖిల్‌ నటించిన గత చిత్రాలేవి కూడా పెద్దగా సక్సెస్‌ అవలేదు. వరుస చిత్రాల్లో నటిస్తున్న అఖిల్‌ ఎంత జాగ్రత్త వహిస్తున్నా కూడా అనుకున్నట్టుగా సినిమా ఆడడం లేదు. క్లాస్‌, మాస్ యాంగిల్‌ ట్రై చేసినా కూడా ఫలితం లేకుండా పోయింది. దాంతో నాగ్‌ కూడా అఖిల్‌ కోసం రంగంలోకి దిగాడు. ఈసారి కచ్చితంగా బ్లాక్‌ బస్టర్‌ ప్లాన్‌ చేయాలని చూస్తున్నాడు.
అఖిల్‌ తదుపరి చిత్రాన్ని ‘గీతా గోవిందం’ ఫేం పరుశురామ్‌ తెరకెక్కించనున్నట్టుగా తెలుస్తోంది. పవరుశురామ్‌ సూపర్‌స్టార్‌ మహేష్‌బాబుతో ఓ సినిమా చేయాల్సి ఉంది. కానీ అనుకోని కారణాల వల్ల ఆ ప్రాజెక్ట్‌ అటకెక్కింది. దాంతో పరుశురామ్‌ అఖిల్‌, నాగ్‌లకు ఒక స్టోరీ లైన్‌ వినిపించారట. అది నచ్చి నాగ్‌ పూర్తి స్క్రిప్టుతో రమ్మనగా తాజాగా దర్శకుడు నాగ్‌, అఖిల్‌లకు పూర్తి కథను వినిపించాడు. అది నచ్చిన నాగ్‌ పరుశురామ్‌కు ఓకే చెప్పినట్టుగా సమాచారం. ఈ చిత్రాన్ని అఖిల్‌ హీరోగా నాగ్‌ నిర్మించనున్నాడు. త్వరలోనే అధికారికంగా ప్రకటించి సెట్స్‌ మీదకు తీసుకెళ్లాలని నాగ్‌ ప్లాన్‌ చేస్తున్నాడని విశ్వసనీయ సమాచారం.
