బిగ్‌బాస్‌ పూర్తి అయిన తర్వాత నాగార్జున సినిమా మొదలు పెట్టే అవకాశం ఉందని అంతా భావించారు. కాని తాజాగా అందుతున్న సమాచారం ప్రకారం నాగార్జున అక్టోబర్‌ రెండవ వారం నుండి ‘బంగార్రాజు’ చిత్రంను పట్టాలెక్కించబోతున్నాడు. ఈ చిత్రంను కూడా స్వయంగా తానే నిర్మించేందుకు నాగార్జున సిద్దం అవుతున్నాడు. కళ్యాణ్‌ కృష్ణ దర్శకత్వంలో గతంలో వచ్చిన సోగ్గాడే చిన్ని నాయన చిత్రంకు ఇది ప్రీ క్వెల్‌ అంటూ సమాచారం అందుతోంది. బంగార్రాజు పాత్రను హైలైట్‌ చేసి ఈ చిత్రంను చేయనున్నారు. అక్కినేని హీరో నాగచైతన్య కూడా ఈ చిత్రంలో కనిపించబోతున్నాడు. బంగార్రాజు చిత్రంతో సక్సెస్‌ ట్రాక్‌ ఎక్కాలని నాగార్జున చాలా పట్టుదలతో ఉన్నాడు.