నాగార్జున నటించిన ‘మన్మధుడు 2’ చిత్రం విడుదలకు సిద్దం అయ్యింది. ఆగస్టు 9న ప్రేక్షకుల ముందుకు రాబోతున్న మన్మధుడు 2 చిత్రం ప్రమోషన్‌ కార్యక్రమాలు ప్రారంభం అయ్యాయి. ప్రమోషనల్‌ వీడియో అంటూ ఒక వీడియోను నాగార్జున విడుదల చేయడం జరిగింది. ఆ వీడియోలో నాగార్జున సరదాగా రాహుల్‌ రవీంద్రతో ఒక ఆట ఆడేసుకున్నాడు. డబ్బింగ్‌ చేయిస్తున్న రాహుల్‌ రవీంద్రను ఒక హోటల్‌కు వెళ్లమంటూ సూచిస్తాడు. అక్కడ తన ఆదేశాల మేరకు ప్రవర్తించాలని చెప్తాడు. దాంతో ఆ హోటల్‌కు వెళ్లిన రాహుల్‌ రవీంద్ర కాస్త గందరగోళంకు గురయ్యాడు.
ఇదంతా కూడా సరదాగా సాగింది. రాహుల్‌ రవీంద్రకు ఇద్దరు కుర్రాలు కూర్చుని ఉన్న టేబుల్‌ వద్దకు వెళ్లి వారు ఆర్డర్‌ చేసిన జ్యూస్‌ తాగమంటూ చెప్పాడు. అతడి నుండి లాగేసుకుని జ్యూస్‌ తాగుతుంటే చిన్నపాటి గొడవే జరిగింది. ఆ తర్వాత వెయిటర్‌తో గొడవ పడటం, అమ్మాయి వద్దకు వెళ్లి టీజ్‌ చేయడం వంటివి కూడా చేయడం జరిగింది. మొత్తానికి రాహుల్‌ రవీంద్రను నాగార్జున ఒక ఆట ఆడేసుకుని వదిలేశాడు. ప్రస్తుతం సోషల్‌ మీడియాలో ఈ వీడియో వైరల్‌ అవుతోంది. నాగార్జునకు జోడీగా ఈ చిత్రంలో రకుల్‌ ప్రీత్‌ సింగ్‌ నటించిన విషయం తెల్సిందే. భారీ అంచనాలున్న ఈ చిత్రం నాగ్‌ కెరీర్‌లో మరో హిట్‌గా నిలుస్తుందని అంటున్నారు.
