టాలీవుడ్ యంగ్ హీరో నాగచైతన్య ప్రస్తుతం చందు మొండేటి దర్శకత్వంలో ఒక మూవీ చేస్తున్న విషయం తెలిసిందే. గీతా ఆర్ట్స్ బ్యానర్ ప్రతిష్టాత్మకంగా నిర్మిస్తోంది. వాస్తవ సంఘటనల ఆధారంగా తెరకెక్కుతున్న ఈ మూవీలో సాయి పల్లవి హీరోయిన్గా నటిస్తోంది. ఇదిలా ఉంటే నాగచైతన్య తన తొలి వెబ్ సిరీస్ ‘దూత’ తో ఓటీటీ లోకి అడుగుపెట్టబోతున్నారు. ‘మనం’ ఫేమ్ విక్రమ్ కె కుమార్ దర్శకత్వంలో వస్తున్న ఈ హర్రర్ డ్రామా సిరీస్ కోసం అందరూ ఎంతగానో ఎదురుచూస్తున్నారు. ఇక అమెజాన్ ప్రైమ్ ఈ వెబ్ సిరీస్ను నిర్మిస్తోంది. తాజాగా ఈ సిరీస్ రిలీజ్ డేట్ ఖరారైంది.
ఈ సిరీస్ అమెజాన్ ప్రైమ్‌లో డిసెంబర్‌ 1వ తేదీ నుంచి స్ట్రీమింగ్‌ అవ్వనుంది. దీనికి సంబంధించిన పోస్టర్ ను రిలీజ్ చేశారు మేకర్స్. ఇక ఈ వెబ్ సిరీస్ లో నాగచైతన్య జర్నలిస్ట్ పాత్రలో కనిపించబోతున్నారు. కాగా 8 ఎపిసోడ్లుగా వస్తున్న ఈ సిరీస్ లో పార్వతీ తిరువోతు, ప్రియా భవానీ శంకర్, ప్రాచి దేశాయి, తరుణ్ భాస్కర్ కీలక పత్రాలు పోషిస్తున్నారు.