నన్ను దోచుకుందువటే చిత్రంతో అందరి దృష్టిని ఆకర్షించిన ముద్దుగుమ్మ నభా నటేష్‌. ఈ అమ్మడు ప్రస్తుతం రవితేజ హీరోగా తెరకెక్కుతున్న చిత్రంలో నటిస్తోంది. ఇక ఇటీవలే ఈమె నటించిన ‘ఇస్మార్ట్‌ శంకర్’ చిత్రం విడుదలైంది. రామ్‌ హీరోగా పూరి దర్శకత్వంలో వచ్చిన ఇస్మార్ట్‌ శంకర్ భారీ విజయాన్ని దక్కించుకుంది. ఆ చిత్రం విజయంతో నభా నటేష్‌కు ఒక్కసారిగా స్టార్‌డం పెరిగి పోయింది. ఆ సినిమాలోని నభా నటనకు అంతా ఫిదా అయ్యారు. అందుకే ఆమెకు వరుసగా ఆఫర్లు వస్తున్నాయి.
తాజాగా నభా నటేష్‌కు ఏకంగా మెగా ఆఫర్‌ దక్కింది. మెగా హీరో సాయిధరమ్‌ తేజ్‌ హీరోగా సుబ్బు అనే కొత్త దర్శకుడి దర్శకత్వంలో రూపొందబోతున్న చిత్రంలో నభా నటేష్‌కు ఛాన్స్‌ దక్కింది. ప్రస్తుతం ప్రతి రోజు పండుగే చిత్రంలో నటిస్తున్న సాయి ధరమ్‌ తేజ్‌ ఆ తర్వాత కొత్త సినిమాను చేయబోతున్నాడు. ప్రస్తుతం ప్రీ ప్రొడక్షన్‌ వర్క్‌ జరుపుకుంటున్న ఈ చిత్రంను అక్టోబర్‌లో మొదలు పెట్టే ఉద్దేశ్యంలో ఉన్నాడు. వచ్చే ఏడాది సమ్మర్‌లో ఈ చిత్రం రాబోతుంది. నభా నటేష్‌, సాయి ధరమ్‌ తేజ్‌ల కాంబో ఎలా ఉంటుందో అనేది చూడాలి.
