ఎస్‌.ఎస్‌.రాజమౌళి దర్శకత్వంలో ఎన్టీఆర్‌ , రామ్‌చరణ్‌ కథానాయకులుగా నటించిన పీరియాడిక్‌ యాక్షన్‌ మూవీ ‘ఆర్‌ఆర్‌ఆర్‌’. గతేడాది విడుదలైన ఈ సినిమా బాక్సాఫీస్‌ వద్ద భారీ విజయాన్ని అందుకోవడమే కాకుండా, రూ.1000కోట్లకు పైగా వసూళ్లను రాబ్టటింది. భాషతో సంబంధం లేకుండా ‘నాటు నాటు…’ పాట ప్రపంచ సినీ ప్రేక్షకులను ఉర్రూతలూగించింది. ఆ ఉత్సాహంతోనే ‘ఆర్‌ఆర్‌ఆర్‌’ మూవీ వివిధ కేటగిరిల్లో ఆస్కార్‌ అవార్డులకు పోటీ పడగా, బెస్ట్‌ ఒరిజినల్ సాంగ్ విభాగంలో ‘నాటు నాటు…’కు ఆస్కార్‌ నామినేషన్స్‌ తుది జాబితాలో చోటు దక్కించుకుంది. ఇప్పుడు ఆస్కార్‌ అందుకున్న తొలి భారతీయ చిత్రంగానూ ‘ఆర్‌ఆర్‌ఆర్‌’ చరిత్ర సృష్టించింది.