మహేష్ బాబు శ్రీమంతుడు సినిమాతో గ్రాండ్ గా ఎంట్రీ ఇచ్చింది మైత్రీ మూవీస్ బ్యానర్. రావడంతోనే బ్లాక్ బస్టర్ కొట్టారు. తర్వాత అన్నీ బడా సినిమాలు చేసుకుంటూ వెళ్ళారు. రంగస్థలం, జనతా గ్యారేజ్ లాంటి బడా సినిమాలు వున్నాయి వారి ఖాతాలో. ఐతే ఇప్పుడు రాబోతున్న సినిమాల లిస్టు కూడా భారీగా వుంది.
ప్రస్తుతం అల్లు అర్జున్ తో చేస్తున్న పుష్ప సినిమా సెట్స్ పై వుంది. ఈ సినిమాపై భారీ అంచనాలు వున్నాయి. ఇక మహేష్ బాబు పరసురం కలయికలో వస్తున్న సర్కారు వారి పాట కూడా సెట్స్ పై వున్నా భారీ సినిమా . ఇవి కాకుండా ఎన్టీఆర్ ప్రశాంత్ నీల్ కలయికలో ఓ సినిమాని ఫైనల్ చేశారు మైత్రీ నిర్మాతలు. ఇక పవన్ కళ్యాణ్ – హరీష్ శంకర్ సినిమా జూన్ లో మొదలుపెడతారు. మెగాస్టార్ చిరంజీవి బాబీ కలయికలో ఓ సినిమా రాబోతుంది. దీనికి కూడా మైత్రీ మూవీస్ నే నిర్మాణం.
ఇక ఈ వారం వస్తున్న ఉప్పెన సినిమాపై కూడా మంచి అంచనాలు వున్నాయి. అన్నట్టు నాని ‘అంటే సుందరానికి’ సినిమా కూడా మైత్రీ మూవీస్ నిర్మాణంలో జరుగుతుంది. ఈ లెక్క చూస్తుంటే టాలీవుడ్ లో ఈ బ్యానర్ ప్రస్తుతం టాప్ లీగ్ లో వుందని అనుకోవాలి.
