కరోనా వైరస్ కారణంగా గతంలో ఎన్నడూ లేని విధంగా చిత్ర సీమా బ్రేక్ ఇచ్చింది. షూటింగ్ లు , ఈవెంట్ ఇలా అన్ని మూతపడ్డాయి. ప్రస్తుతం సినీ నటి నటులంతా ఈ లాక్ డౌన్ ను వారి వారి కుటుంబ సభ్యులతో కలిసి ఎంజాయ్ చేస్తున్నారు. అయితే ఇప్పుడు వీరు సరికొత్త ఆలోచన చేస్తున్నారు. లాక్ డౌన్ కారణంగా విడుదలకు నోచుకోకుండా ఉన్న చిత్రాలన్నీ ప్రమోషన్ ఫై దృష్టి పెట్టాయి.
నాని, సుధీర్ బాబుల ‘వి’, అనుష్క ‘నిశ్శబ్దం’, రానా ‘అరణ్య’ , ‘ఉప్పెన, ఒరేయ్ బుజ్జిగా, రెడ్, మిస్ ఇండియా’ లాంటి చిత్రాలు ఏప్రిల్ నెలలోనే విడుదలకానున్నాయి. కాబట్టి ఈ సినిమాలకు సంభందించిన ప్రమోషన్లు ఈ సెలవు రోజుల్లో చేస్తే జనాలకు ఎక్కువగా రీచ్ అవుతుందని భావిస్తున్నారు. ఫస్ట్ లుక్, ఫస్ట్ సాంగ్ తరహాలోనే కొత్త అప్డేట్స్ ఇస్తూ, నటీనటులు సైతం సోషల్ మీడియా ద్వారా చిత్రం గురించి ప్రేక్షకుల్ని అలర్ట్ చేస్తూ ఉంటే సెలవులు ముగిసి రిలీజ్ డేట్ వచ్చేనాటికి సినిమాకు మంచి ప్రచారం లభిస్తుందని ప్లాన్ చేస్తున్నారు.