తెలుగుజాతి ఖ్యాతిని న‌లుదిశ‌లా వ్యాప్తి చేసిన ఘ‌నుడు స్వర్గీయ నంద‌మూరి తార‌క రామారావు. తెలుగుజాతి ఆత్మగౌర‌వం నిల‌బెట్టిన మ‌హ‌నీయుడు ఆయ‌న. ఇప్పుడు ఆయ‌న జీవిత క‌థ సినిమాగా రాబోతోంది. అదే… మ‌హా ఘ‌నుడు. జె.కె.మూవీస్ ప‌తాకంపై డి.కుమార్ రాజేంద్ర ఈ చిత్రానికి ద‌ర్శక‌త్వం వ‌హిస్తారు. మ‌హాన‌టుడి జీవితంలోని మ‌ధుర ఘ‌ట్టాల్ని, ఎలాంటి వివాదాస్పద అంశాలూ లేకుండా తెర‌కెక్కిస్తామ‌ని, ఈ చిత్రం ద్వారా గ‌డించిన లాభాన్ని న‌వ్యాంధ్ర ప్రదేశ్ నిర్మాణానికి విరాళంగా ఇస్తామ‌ని చిత్రబృందం చెబుతోంది. ఎన్టీఆర్ పాత్రలో ఎవ‌రు క‌నిపిస్తార‌నేది ఆస‌క్తిక‌రం. ఆ వివరాలు త్వర‌లో వెల్లడ‌వుతాయి.
