మెగాప్రిన్స్‌ వరుణ్‌ తేజ్‌ తాజా చిత్రం ‘గద్దలకొండ గణేష్‌’ ఇటీవలె ప్రేక్షకుల ముందుకు వచ్చింది. ఈ చిత్రంలో మాస్‌ క్యారెక్టర్‌తో వరుణ్‌ ప్రేక్షకులను ఆకట్టుకుంటున్నాడు. ఇప్పటికే ఈ చిత్రం 15 కోట్లను వసూలు చేసి బ్రేక్‌ ఈవెన్‌ దిశగా దూసుకుపోతుంది. గత చిత్రాలతో పోలిస్తే ఈ చిత్రం వరుణ్‌కు మంచి హిట్‌ అని చెప్పవచ్చు. తమిళ చిత్రం ‘జిగర్తాండ’కు రీమేక్‌గా ఈ చిత్రాన్ని హరీష్‌ శంకర్‌ తెరకెక్కించారు. కాగా ఈచిత్రంలో పూజా హెగ్డే వరుణ్‌ సరసన రొమాన్స్‌ చేసింది. ఈ చిత్రాన్ని వీక్షించిన టాలీవుడ్‌ ప్రముఖులు వరుణ్‌పై ప్రశంసలు కురిపిస్తున్నారు.
తాజాగా సూపర్‌స్టార్‌ మహేష్‌ బాబు ‘గద్దలకొండ గణేష్‌’పై స్పందించారు. ఇది ఒక మంచి సినిమా, గద్దలకొండ గణేష్‌గా వరుణ్‌ నటన చాలా బాగుంది. సినిమా మొత్తం చాలా బాగా ఎంజాయ్‌ చేశాను, నిర్మాతలకు కంగ్రాట్స్‌ తెలిపారు. ఇక ఈ చిత్రంపై తాజాగా మెగాస్టార్‌ చిరంజీవి కూడా స్పందించారు. సినిమా చాలా బాగుంది, వరుణ్‌ నటన సూపర్‌ అంటూ యూనిట్‌ని అభినందించారు. గద్దలకొండపై మెగా కామెంట్‌ విన్న అభిమానులు ఫుల్‌ ఖుషీ అవుతున్నారు.
