‘భోళా శంకర్’ మెగా కటౌట్.. టాలీవుడ్ లోనే హైయెస్ట్ !

మెగాస్టార్ చిరంజీవి మోస్ట్ ఎవైటెడ్ మెగా మాస్ యాక్షన్ ఎంటర్‌టైనర్ మూవీ ‘భోళా శంకర్’. మెహర్ రమేష్ దర్శకత్వంలో వస్తున్న ఈ సినిమాలో తమన్నా కథానాయకిగా నటిస్తుండగా, చిరంజీవి చెల్లిగా కీర్తి సురేష్ నటిస్తోంది. ఇక అక్కినేని హీరో సుశాంత్ కీలక పాత్రలో కనిపించనున్నాడు. ఏకె ఎంటర్‌టైన్మెంట్స్ బ్యానర్ పై అనిల్ సుంకర నిర్మిస్తోన్న ఈ సినిమా ఆగ‌స్టు 11న ప్రేక్ష‌కుల ముందుకు రానుంది. ఇప్పటికే ఈ సినిమా నుండి రిలీజైన పోస్టర్స్, టీజర్, పాటలకు మాసివ్ రెస్పాన్స్ వచ్చింది. ఇక ట్రైల‌ర్ అయితే సినిమాపై అంచ‌నాల‌ను పెంచేసింది.

ఇదిలా ఉంటే, ఇప్పుడు ఈ చిత్రానికి సంబంధించిన ప్రమోషన్స్ అట్టహాసంగా జరుగుతున్నాయి. ఈ క్రమంలోనే విజయవాడ-హైదరాబాద్ హైవేపై భోలా శంకర్ మెగా కటౌట్‌ను ఏర్పాటు చేశారు. సూర్యాపేటలోని రాజు గారి తోట రెస్టారెంట్‌లో ఈ 126 అడుగుల భారీ కటౌట్‌ను ఏర్పాటు చేశారు. అయితే టాలీవుడ్‌లో ఇదే అత్యంత పెద్ద క‌టౌట్. ప్రస్తుతం ఈ కటౌట్ అందరినీ ఆకట్టుకుంటుంది. ఇక మెగా ఫ్యాన్స్ అయితే ఈ కటౌట్ ను సోషల్ మీడియాలో షేర్ చేస్తూ తెగ సందడి చేస్తున్నారు.