చిరంజీవి త్వరలో తన 152వ చిత్రంలో నటించబోతున్నాడు. కొరటాల శివ దర్శకత్వంలో తెరకెక్కబోతున్న ఆ సినిమాను అక్టోబర్‌లో సెట్స్‌పైకి తీసుకు వెళ్లబోతున్నారు. డబుల్‌ రోల్‌లో చిరంజీవి నటించబోతున్నాడు. చిరంజీవి రెండు విభిన్న పాత్రల్లో కనిపించడంతో పాటు, రెండు విభిన్నమైన బాడీలాంగ్వేజ్‌ మరియు రెండు రకాల మేకోవర్‌తో కనిపించబోతున్నాడట. ఇక ఈ చిత్రం కోసం చిరంజీవి దాదాపుగా 10 కేజీల బరువు తగ్గాడంటూ సమాచారం అందుతోంది.
తాజాగా ఒక అవార్డు వేడుకలో పాల్గొన్న చిరంజీవి ఇలా కనిపించాడు. ఈ సినిమాలో ఒకటి కాదు పది కాదు ఏకంగా 30 ఏళ్లు తగ్గి మరీ కనిపిస్తున్నాడు అంటూ మెగా ఫ్యాన్స్‌ అంటున్నారు. నిజంగానే ఈ లుక్‌లో చిరంజీవి అదిరిపోయాడు. కొరటాల సినిమా కోసం చిరంజీవి చాలా కష్టపడుతున్నట్లుగా దీన్ని బట్టే అర్థం అవుతుంది.