సుప్రీమ్ హీరో సాయిధరమ్‌తేజ్ నటించిన తాజా చిత్రం విరూపాక్ష ఈ శుక్ర‌వారం ప్రేక్షకుల ముందుకొచ్చింది. మొదట్నుంచీ పాజిటివ్ బజ్‌తో కొనసాగుతున్న ఈ చిత్రం విడుదలైన మార్నింగ్ షో నుండే బ్లాక్‌బస్టర్ టాక్‌ను సొంతం చేసుకుని టాక్‌ఆఫ్ ద ఇండస్ట్రీగా మారిపోయింది. స్టార్ డైరెక్ట‌ర్ సుకుమార్ స‌మ‌ర్ప‌కుడిగా వ్య‌వ‌హ‌రిస్తూనే స్క్రీన్ ప్లే అందించిన ఈ సినిమాలో సంయుక్త మీనన్ హీరోయిన్ గా నటించారు. ఇక కార్తీక్ దండు దర్శకత్వంలో మిస్ట్రీక్ థ్రిల్లర్‌గా రూపొందిన ఈ చిత్రంపై ప్రేక్షకులతో పాటు హీరోలు, సినీ ప్రముఖులు ప్రశంసలు కురిపిస్తున్నారు.
తాజాగా ఈ చిత్రం విజయాన్ని పురస్కరించుకుని మెగాస్టార్ చిరంజీవి.. ‘విరూపాక్ష చిత్రంకు వస్తున్న అద్బుతమైన స్పందన చూస్తుంటే ఆనందంగా వుంది. సాయిధరమ్‌తేజ్ మళ్లీ ఓ బ్లాక్‌బస్టర్ విజయంతో ప్రేక్షకుల ముందుకు రావడం హ్యాపీగా వుంది. విరూపాక్ష చిత్రానికి ఆడియన్స్ ప్రశంసలు, అభినందనలు అందించడం ఎంతో సంతోషం. ఈ సందర్భంగా విరూపాక్ష చిత్రానికి పనిచేసిన నటీనటులకు, సాంకేతిక నిపుణులకు, టోటల్ చిత్ర బృందానికి నా హృదయపూర్వక అభినందనలు అంటూ’ తన ఆనందాన్ని ట్విట్టర్ వేదికగా పంచుకున్నారు.
అలాగే ప‌వ‌న్ కల్యాణ్ కూడా సాయి ధ‌ర‌మ్ తేజ్ పై తన ప్రేమ‌ని కురిపించారు. ‘డియ‌ర్ తేజు గారు.. విరూపాక్ష స‌క్సెస్ సాధించినందుకు నా హృదయపూర్వక అభినందనలు.. బెస్ట్ విషెస్ ప‌వ‌న్ కల్యాణ్’ అంటూ ఓ లెట‌ర్ ని బోకేతో పాటు జ‌త చేసి సాయి ధ‌ర‌మ్ తేజ్ కు పంపించారు. ఇకపోతే బొకే పై ఉన్న కార్డ్ లో ‘డియ‌ర్ తేజు గారు’ అని ప‌వ‌న్ కల్యాణ్ సంబోధించిన‌ట్టుగా ఉండ‌టంతో ఈ కార్డ్ ప్ర‌స్తుతం నెట్టింట వైర‌ల్ గా మారింది.
Hearing fabulous reports about #Viroopaksha ! I am so happy for you dear @IamSaiDharamTej that you have made your come back with a bang. 🤗Delighted that the audience is appreciating and blessing your film! Hearty Congratulations to the entire team! 💐💐@iamsamyuktha_… pic.twitter.com/eeBh7L2skm
— Chiranjeevi Konidela (@KChiruTweets) April 21, 2023
