కరోనా కారణంగా సినిమాలన్నీ వాయిదా పడుతున్నాయి. హాలీవుడ్ నుండి టాలీవుడ్ వరకు ఇలా చిన్న పెద్ద సినిమాలన్నీ వాయిదా వేస్తున్నారు. ఏప్రిల్ నెలలోను సినిమాలు రావడం కష్టమే అనిపిస్తుంది. ఎందుకంటే ఏప్రిల్ 15 వరకు లాక్ డౌన్ ప్రకటించిన నేపథ్యంలో సినిమాలు పోస్ట్ ప్రొడక్షన్ పూర్తి చేసుకొని , ప్రమోషన్ చేయడం వంటివి జరగాలంటే కష్టం. అందుకే ఏప్రిల్ లో సినిమా రావడంకష్టమనే చెప్పాలి.
ఇక పవన్ కళ్యాణ్ రీ ఎంట్రీ మూవీ కూడా వాయిదా వేసే ఛాన్స్ ఉన్నట్లు వార్తలు వినిపిస్తుండడం అభిమానులను ఆందోళనకు గురి చేస్తున్నాయి. వేణుశ్రీరాం డైరెక్షన్లో తెరకెక్కిన వకీల్ సాబ్ మూవీని మే నెలలో విడుదల చేసేందుకు దర్శక నిర్మాతలు ప్లాన్ చేసారు. కానీ ఇప్పుడు కరోనా దెబ్బ కు థియేటర్స్ అన్ని మూతపడ్డాయి. ఎప్పుడు తెరుచుకుంటాయో కూడా చెప్పలేని పరిస్థితి. దీంతో పవన్ అభిమానులు తీవ్ర నిరాశలో ఉన్నారు.