ప్రముఖ నిర్మాణ సంస్థ సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ సంయుక్తంగా తెలుగు, తమిళ భాషల్లో నిర్మించిన ద్విభాషా చిత్రం ‘సార్'(వాతి). కోలీవుడ్ స్టార్ ధనుష్, సంయుక్త మీనన్ జంటగా నటించిన ఈ చిత్రానికి వెంకీ అట్లూరి దర్శకత్వం వహించారు. సముద్రఖని, సాయి కుమార్, తనికెళ్ళ భరణి ముఖ్య పాత్రలు పోషించిన ఈ చిత్రంలో హ్యాండ్సమ్ హీరో సుమంత్ అతిథి పాత్రలో కనువిందు చేశారు. శివరాత్రి కానుకగా ఫిబ్రవరి 17న భారీస్థాయిలో థియేటర్లలో విడుదలైన ఈ చిత్రం విమర్శకుల ప్రశంసలతో పాటు ప్రేక్షకుల మెప్పు పొందుతోంది. అన్ని వర్గాల ప్రేక్షకులను అలరిస్తూ రెండు భాషల్లోనూ సంచలన విజయం దిశగా దూసుకుపోతోంది.
ఇకపోతే ఈ మూవీకి జివి ప్రకాష్ కుమార్ అందించిన సాంగ్స్ కూడా అందరినీ ఎంతో అలరించాయి. ఈయన స్వరకల్పనలో రూపొందిన మెలోడియస్ లవ్ ట్రాక్ “మాస్టారూ మాస్టారూ” పాటకి శ్రోతల నుండి విశేష స్పందన వస్తుండగా, తాజాగా ఈ పాటను హీరో ధనుష్ స్వయంగా ఆలపించిన వెర్షన్ ను మేకర్స్ విడుదల చేశారు. కాగా ఒరిజినల్ వర్షన్ ని మించేలా ధనుష్ పాడిన ఈ పాట ప్రస్తుతం అందరినీ ఆకట్టుకుంటూ మంచి వ్యూస్ తో దూసుకెళుతోంది.
