వరుస విజయాలతో జోష్ మీదున్న మాస్ మహారాజా రవితేజ మరో హై-ఇంటెన్స్ యాక్షన్ థ్రిల్లర్ మూవీతో అభిమానులను అలరించనున్నాడు. మాస్ మహారాజా రవితేజ హీరోగా నటిస్తున్న ‘రావణాసుర’ సినిమాకు క్రియేటివ్ డైరెక్టర్ సుధీర్ వర్మ దర్శకత్వం వహిస్తున్నారు. ఈ సినిమాకి అభిషేక్ నామా, రవితేజ నిర్మాతలు.
ఈరోజు ‘రావణాసుర’ థీమ్ సాంగ్ ని విడుదల చేశారు మేకర్స్. హర్షవర్ధన్ రామేశ్వర్ ఈ థీమ్ సాంగ్ ని హైలీ ఎనర్జిటిక్ గా కంపోజ్ చేశారు. ‘రావణ’ అనే చాంట్ తో మొదలైన ట్రాక్ వైబ్రెంట్ గా వుంది. పాపులర్ మ్యూజిక్ వేదిక్ బ్యాండ్ శాంతి పీపుల్, నోలిక్ ఈ థీమ్ సాంగ్ ను ఎనర్జిటిక్ గా ఆలపించారు. పాట చరణంలో వినిపించిన శివతాండవం గూస్ బంప్స్ తెప్పించింది. మేకర్స్ విడుదల చేసిన ఈ పవర్ ఫుల్ థీమ్ సాంగ్ తో ‘రావణాసుర’ మ్యూజికల్ ప్రమోషన్స్ గ్రాండ్ గా ప్రారంభమయ్యాయి.
ఇప్పటికే గ్లింప్స్‌ కు అద్భుతమైన స్పందన వచ్చింది. సుధీర్ వర్మ ఈ సినిమాలో రవితేజను లాయర్ పాత్రలో మునుపెన్నడూ చూడని విధంగా హై యాక్షన్ లో ప్రజంట్ చేస్తున్నారు. శ్రీకాంత్ విస్సా ఈ చిత్రానికి సరికొత్త కథని అందించారు. సుధీర్ వర్మ తన మార్క్ టేకింగ్‌తో ఈ చిత్రాన్ని కథనంలో ఊహించని మలుపులతో స్టైలిష్ యాక్షన్ థ్రిల్లర్‌గా రూపొందిస్తున్నారు.
సుశాంత్ కీలక పాత్ర పోషిస్తున్న ఈ చిత్రంలో అను ఇమ్మాన్యుయేల్, మేఘా ఆకాష్, ఫరియా అబ్దుల్లా, దక్షా నాగర్కర్, పూజిత పొన్నాడ.. కథానాయికలుగా నటిస్తున్నారు. ఇక ఈ సినిమా ఏప్రిల్ 7,2023న వేసవిలో థియేటర్స్ లో గ్రాండ్‌గా విడుదల కానుంది.
