నాగ చైతన్య – సమంత జంటగా శివ నిర్వాణ డైరెక్షన్లో తెరకెక్కిన మజిలీ చిత్రం ఏప్రిల్ 5,2019న విడుద‌లైన ఈ చిత్రం నేటితో ఏడాది పూర్తి చేసుకుంది. ఈ చిత్రం ముందు వరకు వరుస ప్లాప్స్ తో ఇబ్బంది పడుతున్న చైతు కు ఈ చిత్రం ఊపిరి పోసింది. నాగచైతన్య,సమంత,దివ్యాన్ష కౌశిక్,రావు రమేశ్,పోసాని కృష్ణమురళి ప్ర‌ధాన పాత్ర‌ల‌లో నటించగా..ప్రేమించడం.. తరువాత విడిపోవడం.. విడిపోయిన తరువాత మళ్లీ ప్రేమను పొందడం ఎలా? అన్న ప్రశ్నకు ఈ చిత్రంతో సమాధానం చెప్పింది.
ఇందులో నాగ చైతన్య.. పూర్ణ‌గా, సమంత.. శ్రావ‌ణిగా జీవించారు. ప్రేమించిన అమ్మాయిని మరిచిపోలేక.. ఇష్టం లేని కాపురం చేయలేక మదనపడే భర్త.. పెళ్లైతే కొడుకు మారతాడని ఆశ పడిన తండ్రి.. భర్త మనసుకు తగిలిన ప్రేమ గాయం మాని ఏనాటికైనా తనపై ప్రేమ కురిపిస్తాడని భార్య.. కూతురు కాపురం నిలబడాలని కోరుకునే తండ్రి .. వీరి మధ్య సంఘర్షణ ‘మజిలీ’ చిత్రంలో చ‌క్క‌గా చూపించారు. ప్రస్తుతం చైతు శేఖర్ కమ్ముల డైరెక్షన్లో లవ్ స్టోరీ అనే సినిమా చేస్తున్నాడు.
