సూపర్ స్టార్ మహేష్ బాబు తెరపై మాత్రమే కాదు..తెరవెనుక కూడా సూపర్ స్టారే. సందేశాత్మక చిత్రాలతో అందరిలో సమాజం పట్ల బాధ్యతలను నింపుతున్న మహేష్.. గత మూడున్నరేళ్లలో ఆయన వెయ్యి మందికిపైగా చిన్నారులకు గుండె సంబంధ శస్త్రచికిత్సలు చేయించి మహానుభావుడు అయ్యాడు. మహేష్ బాబు తో కలిసి ఆంధ్రా హాస్పిటల్స్ .. వివిధ గ్రామాల్లో 18 క్యాంప్‌లు నిర్వహించింది. ఇప్పటివరకు వెయ్యి మందికి పైగా మంది చిన్నారులకు విజయవంతంగా హృదయ సంబంధిత శస్త్ర చికిత్సలు చేసినట్లు మహేష్ భార్య నమ్రత తెలిపింది.
నమ్రత ఇన్‌స్టాగ్రామ్‌ ద్వారా .. ఆంధ్రా హాస్పిటల్స్, బ్రిటన్‌కు చెందిన హీలింగ్‌ లిటిల్‌ హార్ట్స్‌ ఫౌండేషన్‌తో కలిసి చిన్నారుల ఆరోగ్యంపై అవగాహన కల్పించడం ఆనందంగా ఉందని ఆమె తెలిపారు. ఓ మంచి పని కోసం తమకు సహకారం అందించిన డాక్టర్ పీవీ రామారావుకు ఆమె థ్యాంక్స్ చెప్పారు.
