మహేష్‌బాబు హీరో కాకుండానే పదుల సంఖ్యలో సినిమాలు నటించాడు. బాల నటుడిగా చాలా సినిమాల్లో నటించిన మహేష్‌బాబు 1989వ సంవత్సరంలో ‘కొడుకు దిద్దిన కాపురం’ చిత్రంలో కీలక పాత్రలో నటించాడు. ఆ చిత్రంలో విజయశాంతితో కలిసి మహేష్‌బాబు నటించాడు. మళ్లీ సరిగ్గా 30 ఏళ్ల తర్వాత మహేష్‌బాబు నటిస్తున్న ‘సరిలేరు నీకెవ్వరు’ చిత్రంలో కీలక పాత్రను విజయశాంతి పోషిస్తోంది. సుదీర్ఘ కాలం బ్రేక్‌ తీసుకున్న తర్వాత విజయశాంతి కేవలం మహేష్‌ బాబుపై అభిమానంతో ఈ చిత్రంలో నటించేందుకు ఒప్పుకుందనే విషయం అందరికి తెల్సిందే.
విజయశాంతితో కలిసి నటించడం చాలా బాగుంది అంటూ ‘కొడుకు దిద్దిన కాపురం’ చిత్రంలోని ఫొటోను మహేష్‌బాబు పోస్ట్‌ చేశాడు. మరోసారి విజయశాంతి గారితో వర్క్‌ చేయడం చాలా సంతోషంగా ఉంది. లైఫ్‌ అనేది సర్కిల్‌ మాదిరిగా తిరుగుతుందనేందుకు ఇదే సాక్ష్యం అని మహేష్‌ బాబు తన ట్వీట్‌లో పేర్కొన్నాడు. ఈ ఫొటో ప్రస్తుతం సోషల్‌ మీడియాలో వైరల్‌ అవుతోంది. మహేష్‌ బాబు మరియు రష్మిక జంటగా తెరకెక్కుతున్న ఈ చిత్రంకు అనీల్‌ రావిపూడి దర్శకత్వం వహిస్తున్న విషయం తెల్సిందే.
