సూపర్‌ స్టార్‌ మహేష్‌బాబు ఫ్యాన్స్‌ ‘స్పైడర్‌’ చిత్రం కోసం చాలా నెలలుగా ఎంతో ఆసక్తిగా ఎదురు చూస్తున్నారు. మహేష్‌బాబు కెరీర్‌లో ఈ సినిమా ఖచ్చితంగా నిలిచి పోయే సినిమా అవుతుందని ఫ్యాన్స్‌ నమ్మకంతో ఉన్నారు. ఇక సినిమా టీజర్‌ను మహేష్‌బాబు పుట్టిన రోజు సందర్బంగా విడుదల చేసేందుకు ఏర్పాట్లు చేశారు. ఈ టీజర్ సోషల్‌ మీడియాలో రికార్డుల వర్షం కురిపించాలని మహేష్‌బాబు ఫ్యాన్స్‌ కోరుకుంటున్నారు.
ఎన్టీఆర్‌ హీరోగా తెరకెక్కుతున్న ‘జై లవకుశ’ చిత్రంలోని జై పాత్రకు సంబంధించిన టీజర్‌ను ఆ మద్య యూనిట్‌ సభ్యులు విడుదల చేయడం జరిగింది. అనూహ్యంగా ఆ టీజర్‌కు భారీ వ్యూస్‌ వచ్చాయి. ఇప్పటి వరకు ఏ సౌత్‌ సినిమాకు రాని స్థాయిలో ఆ టీజర్ వ్యూస్‌ రావడంతో అంతా కూడా షాక్‌ అయ్యారు. చిత్ర యూనిట్‌ సభ్యులు కూడా ఆ స్థాయిలో వసూళ్లు సాధిస్తుందని మాత్రం ఊహించలేదు. అతి తక్కువ సమయంలోనే కోటి డిజిటల్‌ వ్యూస్‌ను దక్కించుకోవడంతో పాటు భారీగా లైక్స్‌ వచ్చాయి. ఇప్పుడు జై టీజర్ రికార్డులను స్పైడర్‌ టీజర్ బద్దలు కొడుతుందా అని అంతా కూడా ఆసక్తిగా ఎదురు చూస్తున్నారు.
