సూపర్‌స్టార్‌ మహేష్‌బాబు క్రేజీ దర్శకుడు మురుగదాస్‌ల కాంభోలో తెరకెక్కుతున్న చిత్రం ‘స్పైడర్‌’. ఈ చిత్ర షూటింగ్‌ దాదాపు పూర్తి కావొచ్చింది. క్లైమాక్స్‌ సన్నివేశాలు, రెండు పాటలు తప్పా మిగిలిన పార్టు మొత్తం కూడా చిత్రీకరణ పూర్తి అయ్యింది. తాజాగా ఈ చిత్ర ఫస్ట్‌లుక్‌ మరియు టైటిల్‌ను విడుదల చేశారు చిత్ర యూనిట్‌. ఈ ఫస్ట్‌లుక్‌కు ప్రేక్షకుల నుండి మంచి స్పందన వస్తోంది. ఫస్ట్‌లుక్‌తో అంచనాలు తారా స్థాయికి ఎగిసాయి. తెలుగు, తమిళ భాషల్లో ఒకేసారి తెరకెక్కుతున్న ఈ చిత్రాన్ని తెలుగులో ప్రత్యేకంగా ప్రమోషన్‌ చేయనక్కర్లేదు. మహేష్‌ అంటేనే ఆ చిత్రానికి పెద్ద హైప్‌. ఇలాంటి హైప్‌నే తమిళంలో కూడా తీసుకురావాలని మహేష్‌బాబు తమిళ మీడియాతో చురుగ్గా ముచ్చటిస్తున్నాడు.
తాజాగా మురుగదాస్‌తో తాను ఈ చిత్రం చేయడానికి కారణం వివరించాడు. మురుగదాస్‌ తెరకెక్కించిన ‘తుపాకి’ చిత్రం చూసిన తర్వాత చాలా నచ్చింది. వెంటనే ఆయనతో ఒక సినిమా చేయాలనుకున్నా, దేశ భక్తి ఉన్న హీరో, దేశ భక్తి నేపథ్యంలో ఒక కథను సరిగ్గా హ్యాండిల్‌ చేయాలంటే అది మురుగదాస్‌కే చెల్లుతుంది అందుకే ఆయనతో చేయాలని గట్టిగా ఫిక్స్‌ అయ్యి మురుగదాస్‌ను సంప్రదించా. ఆయన నాకోసం మంచి కథను సిద్దం చేసి వినిపించాడు. ఇక వెంటనే గ్రీన్‌ సిగ్నల్‌ ఇచ్చా. ఆ మంచి కథతోనే ‘స్పైడర్‌’గా జూన్‌ 23న మీ ముందుకు రాబోతున్నాం అంటూ మహేష్‌ చెప్పుకొచ్చాడు.
