దాదాపు పది సార్లు అదిగో వస్తుంది, ఇదిగో వస్తుంది అంటూ ప్రచారం జరిగిన మహేష్‌బాబు చిత్ర ఫస్ట్‌లుక్‌ అతి త్వరలోనే రాబోతుంది. ఇటీవలే మహేష్‌బాబు ట్విట్టర్‌ ద్వారా కాస్త ఓపిక పట్టండి, వచ్చేస్తుందంటూ ప్రకటించిన విషయం తెల్సిందే. ఈ నేపథ్యంలో చిత్ర యూనిట్‌ సభ్యులు ఈ చిత్రం టీజర్‌ను ఈనెల 12న విడుదల చేసేందుకు సిద్దం అయ్యారు. అదే రోజు టైటిల్‌ను రివీల్‌ చేసి పోస్టర్స్‌ను కూడా విడుదల చేయబోతున్నట్లుగా చెబుతున్నారు. ఇక చిత్రాన్ని జూన్‌లో విడుదల చేయనున్న విషయం తెల్సిందే. మహేష్‌కు జోడీగా ఈ చిత్రంలో రకుల్‌ ప్రీత్‌ సింగ్‌ నటించింది. తెలుగుతో పాటు తమిళం, హిందీల్లో కూడా ఈ సినిమాను భారీగా విడుదల చేయబోతున్నారు.