టాలీవుడ్‌ సూపర్‌ స్టార్‌ మహేష్‌బాబు, కోలీవుడ్‌ సూపర్‌ స్టార్‌ డైరెక్టర్‌ మురుగదాస్‌ల కాంబినేషన్‌లో ఒక చిత్రం తెరకెక్కుతున్న విషయం తెల్సిందే. ఈ సినిమాతో తెలుగు మరియు తమిళ ప్రేక్షకుల్లో అంచనాలు ఆకాశాన్ని తాకేలా వస్తున్నాయి. భారీ అంచనాలున్న ఈ సినిమా కోసం సినీ వర్గాల వారు కూడా ఎంతో ఆసక్తిగా ఎదురు చూస్తున్నారు. సినిమా షూటింగ్‌ ముగింపు దశకు చేరుకుంది. ఇప్పటి వరకు ఈ సినిమాకు సంబంధించిన చిన్న విషయం కూడా బయటకు రాలేదు. ఈ చిత్రం టైటిల్‌ను కూడా ఇంకా ప్రకటించలేదు అనే విషయం తెల్సిందే.
దాదాపు పది సార్లు అదిగో వస్తుంది, ఇదిగో వస్తుంది అంటూ ప్రచారం జరిగిన మహేష్‌బాబు చిత్ర ఫస్ట్‌లుక్‌ అతి త్వరలోనే రాబోతుంది. ఇటీవలే మహేష్‌బాబు ట్విట్టర్‌ ద్వారా కాస్త ఓపిక పట్టండి, వచ్చేస్తుందంటూ ప్రకటించిన విషయం తెల్సిందే. ఈ నేపథ్యంలో చిత్ర యూనిట్‌ సభ్యులు ఈ చిత్రం టీజర్‌ను ఈనెల 12న విడుదల చేసేందుకు సిద్దం అయ్యారు. అదే రోజు టైటిల్‌ను రివీల్‌ చేసి పోస్టర్స్‌ను కూడా విడుదల చేయబోతున్నట్లుగా చెబుతున్నారు. ఇక చిత్రాన్ని జూన్‌లో విడుదల చేయనున్న విషయం తెల్సిందే. మహేష్‌కు జోడీగా ఈ చిత్రంలో రకుల్‌ ప్రీత్‌ సింగ్‌ నటించింది. తెలుగుతో పాటు తమిళం, హిందీల్లో కూడా ఈ సినిమాను భారీగా విడుదల చేయబోతున్నారు.
