సినిమాకు సంబంధించిన టైటిల్‌తో పాటు పోస్టర్‌ మరియు టీజర్‌ కూడా ఈ ఉగాది సందర్బంగా విడుదల కాబోతుందని నిన్న మొన్నటి వరకు ప్రచారం జరిగింది. అయితే ఉగాది సందర్బంగా సినిమా టీజర్‌ను విడుదల చేయలేదు. కనీసం టైటిల్‌ రివీల్‌ చేయడం లేదా పోస్టర్‌నువిడుదల చేయడం కూడా చేయలేదు. దాంతో మహేష్‌ బాబు ఫ్యాన్స్‌ తీవ్ర నిరాశకు గురయ్యారు. అందుకే స్వయంగా మహేష్‌బాబు స్పందిస్తూ ఫ్యాన్స్‌ కాస్త ఓపిక పట్టండి, సినిమా బాగా రావడం కోసం చాలా కష్టపడుతున్నాం.
తప్పకుండా అందరి అంచనాలను అందుకునేలా సినిమా ఉంటుందని తేల్చి చెప్పాడు. రకుల్‌ ప్రీత్‌ సింగ్‌ హీరోయిన్‌గా నటిస్తున్న ఈ సినిమాను వంద కోట్లకు పైబడిన బడ్జెట్‌తో ఠాగూర్‌ మధు, ఎన్వీ ప్రసాద్‌లు నిర్మిస్తున్నారు. తెలుగుతో పాటు తమిళం మరియు హిందీల్లో కూడా ఈ సినిమా విడుదల కాబోతుంది.