సూపర్‌ స్టార్‌ మహేష్‌బాబు ఫ్యాన్స్‌కు క్షమాపణలు చెప్పాడు, కాస్త ఓపిక పట్టండి, మీకోసం ఆ ఆలస్యం అంటూ సోషల్‌ మీడియాలో పోస్ట్‌ చేశాడు. ప్రస్తుతం మురుగదాస్‌ దర్శకత్వంలో తెరకెక్కుతున్న సినిమా ఫస్ట్‌లుక్‌ కోసం ఫ్యాన్స్‌ ఏ స్థాయిలో ఎదురు చూస్తున్నారో ప్రత్యేకంగా చెప్పనక్కర్లేదు. వారిని గత మూడు నాలుగు నెలలుగా మహేష్‌బాబు ఊరిస్తూనే ఉన్నాడు. అయితే ఇప్పటి వరకు కూడా ఆ సినిమాకు సంబంధించిన ఎటువంటి సమాచారం కూడా బయటకు వచ్చింది కూడా లేదు.
సినిమాకు సంబంధించిన టైటిల్‌తో పాటు పోస్టర్‌ మరియు టీజర్ కూడా ఈ ఉగాది సందర్బంగా విడుదల కాబోతుందని నిన్న మొన్నటి వరకు ప్రచారం జరిగింది. అయితే ఉగాది సందర్బంగా సినిమా టీజర్‌ను విడుదల చేయలేదు. కనీసం టైటిల్‌ రివీల్‌ చేయడం లేదా పోస్టర్‌నువిడుదల చేయడం కూడా చేయలేదు. దాంతో మహేష్‌ బాబు ఫ్యాన్స్‌ తీవ్ర నిరాశకు గురయ్యారు. అందుకే స్వయంగా మహేష్‌బాబు స్పందిస్తూ ఫ్యాన్స్‌ కాస్త ఓపిక పట్టండి, సినిమా బాగా రావడం కోసం చాలా కష్టపడుతున్నాం.
తప్పకుండా అందరి అంచనాలను అందుకునేలా సినిమా ఉంటుందని తేల్చి చెప్పాడు. రకుల్‌ ప్రీత్‌ సింగ్‌ హీరోయిన్‌గా నటిస్తున్న ఈ సినిమాను వంద కోట్లకు పైబడిన బడ్జెట్‌తో ఠాగూర్‌ మధు, ఎన్వీ ప్రసాద్‌లు నిర్మిస్తున్నారు. తెలుగుతో పాటు తమిళం మరియు హిందీల్లో కూడా ఈ సినిమా విడుదల కాబోతుంది.
