మహర్షి సెట్‌ లో గోవిందం..

వంశీ పైడిపల్లి దర్శకత్వంలో మహేష్ హీరోగా మహర్షి సినిమా తెరకెక్కుతున్న విషయం తెలిసిందే. ప్రస్తుతం ఈ సినిమా షూటింగ్ హైదరాబాద్‌లో జరుగుతోంది. అయితే అర్జున్ రెడ్డి, గీత గోవిందం సినిమాలతో రాత్రికి రాత్రే స్టార్ అయిపోయిన యువ కథానాయకుడు విజయ్ దేవరకొండ‌ గురువారం రాత్రి సరదాగా ‘మహర్షి’ సెట్‌కు వెళ్లి సందడి చేశారు.

‘మహేశ్‌ సర్‌..వంశీ అన్న..మహర్షి సెట్‌కు వెళ్లాను. ‘‘మహేష్ మూవీ టికెట్స్ కోసం ఫైటింగ్లు చేసుకొనే స్థాయి నుంచి ఇప్పుడు ఆ వ్యక్తితో సెల్ఫీ దిగే స్థాయి వరకు .. ఆయన సెట్స్‌లో చిల్లింగ్’ అంటూ విజయ్‌ ట్విటర్‌ ద్వారా వెల్లడించారు. అప్పట్లో విడుదలైన అర్జున్‌రెడ్డి పై మిశ్రమ స్పందన వినిపిస్తున్న సమయంలో దానిని ప్రశంసిస్తూ మహేష్ ట్వీట్ చేసి సినిమాపై ఉన్న అనుమానాలను పటాపంచలు చేసిన విషయం తెలిసిందే. ఇటీవల మెగా పవర్ స్టార్ రామ్ చరణ్, సూపర్ స్టార్ మహేష్ బాబు, యంగ్ టైగర్ ఎన్టీఆర్‌ల కలయిక ఇండస్ట్రీకి నూతనోత్తేజాన్నిచ్చింది. తాజాగా వీరి బాటలోనే విజయ్ దేవరకొండ‌ చేరడం ఇండస్ట్రీకి శుభసూచకం.

మరోపక్క గీత గోవిందం సినిమా 75 కోట్ల క్లబ్ లో చేరడంతో విజయ్‌ ‘గీత గోవిందం’ సక్సెస్‌ను ఎంజాయ్‌ చేస్తున్నారు. అలాగే ట్యాక్సీవాలా, నోటా, డియర్ కామ్రేడ్ చిత్రాలతో బిజీగా ఉన్నారు.