కరోనా వైరస్ కారణంగా దేశ వ్యాప్తంగా లాక్ డౌన్ నడుస్తుంది. దీంతో ప్రజలంతా ఇంటికే పరిమితం అయ్యారు. అత్యవసరం అయితే తప్ప ఇంట్లో నుండి బయటకు రావడం లేదు. టీవీ లు చూస్తూ కుటుంబ సభ్యులతో కాలక్షేపం చేస్తున్నారు. అయితే ఈ లాక్ డౌన్ టీవీ చానెల్స్ కు బాగా కలిసొస్తుంది. ఏ సినిమా ప్రసారమైన మంచి టిఆర్పీ రేటింగ్ వస్తుంది.
తాజాగా తెలుగు సినిమాల విషయానికి వస్తే మహేష్ బాబు నటించిన సరిలేరు నీకెవ్వరూ , సాయి తేజ్ నటించిన ప్రతి రోజు పండగే చిత్రాలు రీసెంట్ గా బుల్లితెర ఫై ప్రసారమై మంచి రేటింగ్ సాధించాయి. సరిలేరు నీకెవ్వరు చిత్రం గత నెల 25న ఉగాది కానుకగా జెమినిలో ప్రసారం కాగా భారీ టీఆర్పీ దక్కించుకుంది. 23.4 టీఆర్పీ దక్కించుకున్న సరిలేరు నీకెవ్వరు ఆల్ టైం రికార్డు నమోదు చేసింది. ఇక ధరమ్ తేజ్ హీరోగా దర్శకుడు మారుతీ తెరకెక్కించిన ప్రతిరోజూ పండగే చిత్రం సైతం అదే రోజు మా టివిలో ప్రసారమై 15.3 టీఆర్పీ దక్కించుకుంది. మొత్తం మీద లాక్ డౌన్ అందరికి నష్టాలూ తెప్పిస్తున్న టీవీ చానెల్స్ కు మాత్రం కాసుల వర్షం కురిపిస్తున్నాయి.
