పూరి – విజయ్ దేవరకొండ కలయికలో తెరకెక్కిన పాన్ ఇండియా మూవీ లైగర్ ఈరోజు ప్రేక్షకుల ముందుకు వచ్చింది. విజయ్ కి తెలుగు తో పాటు హిందీ లోను మంచి పాపులార్టీ ఉండడం తో ఈ చిత్రాన్ని ప్రముఖ నిర్మాత కామ్ డిస్ట్రబ్యూటర్ కరణ్ జోహార్ హిందీ లోను రిలీజ్ చేసారు. ఈ సినిమా తో బాలీవుడ్ బ్యూటీ అనన్య పాండే తెలుగు తెరకు పరిచయం అయ్యింది. బాక్సింగ్ లెజెండ్ మైక్ టైస‌న్, రమ్యకృష్ణ లు కీలక పాత్ర‌లో నటించారు. ఇక సినిమా చూసిన అభిమానులు సోషల్ మీడియా ద్వారా తమ అభిప్రాయాన్ని వ్యక్తం చేస్తున్నారు. సినిమా చాల బాగుందని..కాకపోతే అక్కడక్కడా కాస్త స్లో గా ఉందని చెప్పుకొచ్చారు. విజయ్ దేవరకొండ అదరగొట్టాడని చెపుతున్నారు.
సినిమా ఫస్ట్ హాఫ్ మెంటల్ మాస్ అని.. హీరో విజయ్ దేవరకొండ లుక్స్ అదిరిపోయాయని ఫ్యాన్స్ అంటున్నారు. మరోసారి రమ్యకృష్ణ నటనతో ఆకట్టుకుందని.. అనన్య పాండే తన పాత్ర పరిధికి నటించి మెప్పించిందని చెబుతున్నారు. కథ, కథనం బాగుండగా.. బీజీఎం అదిరిపోయిందని.. ఇంటర్వెల్ బ్లాగ్‌ పూరి మార్క్ చూపించారని కొంతమంది అభిమానులు ట్వీట్స్‌తో హోరెత్తిస్తున్నారు.
