హాట్ స్టార్ కోసం ఓ వెబ్ సిరీస్‌ని రూపొందిస్తున్నాడ‌ట దర్శకుడు క్రిష్. ఈ మేర‌కు హాట్ స్టార్‌తో ఒప్పందం కూడా కుదిరింది. ఈ వెబ్ సిరీస్‌కి క్రిష్ క‌థ, స్క్రీన్ ప్లే అందిస్తారు. నిర్మాణంలోనూ పాలు పంచుకుంటున్నారు. ప్ర‌స్తుతం క‌థ సిద్ధ‌మ‌వుతోంది. ఈ వెబ్ సిరీస్‌లో కొంత‌మంది టాలీవుడ్ స్టార్లు కూడా క‌నిపిస్తార‌ని ప్ర‌చారం జ‌రుగుతోంది.
ఇదలావుంటే పవన్ కళ్యాణ్ తో సినిమాకి కూడా రెడీ అవుతున్నారు క్రిష్. పీరియాడిక్‌ యాక్షన్‌ డ్రామాగా తెరకెక్కనున్న ఈ సినిమా దేశంలోని ప్రధాన భాషలన్నింటిలోనూ విడుదల కానుంది. కరోనా ఆంక్షలన్నీ ఎత్తేసిన వెంటనేఈ సినిమా షూటింగ్ మొదలు కానుంది.