సంపూర్నేష్‌బాబు గత నాలుగు సంవత్సరాలుగా ‘కొబ్బరిమట్ట’ చిత్రం గురించి చెబుతూనే ఉన్నారు. హృదయకాలేయం చిత్రం పూర్తి అయిన వెంటనే సంపూర్నేష్‌బాబు కొబ్బరిమట్ట చిత్రాన్ని మొదలు పెట్టాడు. ఈ చిత్రంలో ఒకటి కాదు రెండు కాదు ఏకంగా మూడు పాత్రలు సంపూర్నేష్‌బాబు చేశాడు. ఇక ఈ చిత్రంలోని మూడున్నర నిమిషాల డైలాగ్‌ అందరి దృష్టిని ఆకర్షించి సినిమాపై అంచనాలు పెంచేసింది. ఇక తాజాగా విడుదలైన ట్రైలర్‌ సినిమా ఇంకా ఇంకా పైకి వెళ్లేలా చేసింది.
ట్రైలర్‌లో సంపూ విశ్వరూపం చూపించాడని చెప్పాలి. తన నటన, డాన్స్‌, డైలాగ్‌ డెలవరీ ఇలా అన్ని విషయాలను కొబ్బరిమట్టలో తన విశ్వరూపంతో సినిమాను ఒక హై ఓల్టేజ్‌ ట్రాన్స్‌ఫార్మర్‌ మాదిరిగా తయారు చేసినట్లుగా అనిపిస్తుంది. కామెడీతో కడుపుబ్బ నవ్వడంతో పాటు ఖచ్చితంగా సినిమాలో మ్యాటర్‌ ఉందనిపిస్తుంది. హృదయకాలేయం చిత్రంతో పోల్చితే సంపూలో చాలా మార్పులు వచ్చాయి. అందుకే ఈ చిత్రం దాదాపుగా 10 కోట్ల వరకు వసూళ్లు చేస్తుందనే నమ్మకంతో ఉన్నారు. ఈనెల 10న ప్రేక్షకుల ముందుకు రాబోతున్న కొబ్బరిమట్ట చిత్రం సంపూను మరో స్థాయికి తీసుకు వెళ్లనుందా లేదా చూడాలి.
