కన్నడలో తెరకెక్కిన కేజీఎఫ్ సినిమా తెలుగు ట్రైలర్ ఈ రోజు విడుదలైంది. ప్రశాంత్ నీల్ అనే దర్శకుడు తెరకెక్కించిన ఈ సినిమాను తెలుగులో ప్రముఖ నటుడు కైకాల సత్యనారాయణ సమర్పించగా, వారాహి చలన చిత్రం బ్యానర్ తెలుగు ఆడియెన్స్ ముందుకు తీసుకొస్తుంది.
అయితే ట్రైలర్ లో విధి చేతి వాటం ఆ రాత్రి రెండు సంఘటనలు జరిగాయి. ఆ ప్రాంతం పుట్టింది, అతను పుట్టాడు అనే డైలాగ్ తో మొదలవడం . 1951లో ముంబై వీధుల్లో పుట్టిన రాకీ అనే కుర్రాడు నేరాలు చేస్తూ పెరిగి పెద్దవుతాడు. ఆ తర్వాత తన పనిలో భాగంగా ఓసారి కోలార్ గోల్డ్ ఫీల్డ్స్ కి వెళ్తాడు. అక్కడ అతడికి ఎదురైన అనుభవాలు, సవాళ్లు.. అంతకన్నా ముందుగా చిన్నప్పుడు ” నీ వెంట వేలాది మంది ఉన్నారనే ధైర్యం నీకుంటే ఒక యుద్ధాన్ని మాత్రమే గెలుస్తావు. అదే నువ్వు ముందున్నవాని నీ వెనుక ఉన్న వేలాది మందికి ధైర్యం వచ్చిందంటే ప్రపంచాన్నే గెలుస్తావ్ ” అని వాళ్ళ అమ్మ నుంచి అతడు నేర్చుకున్న గుణపాఠాల ఆధారంగా ఆ సమస్యలను ఎదుర్కున్న యుద్ధమే ఈ కేజీఎఫ్ సినిమా కథాంశం.
యశ్ అనే నటుడు రాకీ పాత్ర పోషించగా శ్రీనిధి శెట్టి హీరోయిన్ గా నటించింది. కేజీఎఫ్ అంటే క్లుప్తంగా కోలార్ గోల్ ఫీల్డ్స్ అని అర్థం. కన్నడలో రూపొందిన ఈ సినిమా తెలుగు, హిందీ, తమిళ, మళయాళం భాషల్లోనూ విడుదలవనుంది.
