తెలుగు మరియు తమిళంలో హీరోయిన్‌గా మంచి గుర్తింపు దక్కించుకుని దూసుకు పోతున్న అమ్మడు కీర్తి సురేష్‌. ఈమె తాజాగా మహానటి సావిత్రి జీవిత కథాంశంతో తెరకెక్కబోతున్న చిత్రంలో సావిత్రి పాత్రకు గాను ఎంపిక అయ్యింది. అంతటి ప్రముఖ పాత్రను దక్కించుకున్న కీర్తి సురేష్‌ మరో వైపు ఐటెం సాంగ్‌ను కూడా కమిట్‌ అయ్యింది. తాజాగా టాలీవుడ్‌ వర్గాల నుండి అందుతున్న సమాచారం ప్రకారం కీర్తి సురేష్‌ ఒక తెలుగు చిత్రంలో ఐటెం సాంగ్‌ను చేసేందుకు కమిట్‌ అయ్యింది.
‘అల్లుడుశీను’ ఫేం బెల్లంకొండ శ్రీనివాస్‌ హీరోగా బోయపాటి శ్రీను దర్శకత్వంలో ఒక సినిమా తెరకెక్కుతున్న విషయం తెల్సిందే. ఆ సినిమాలో కీర్తి సురేష్‌ను ఐటెం సాంగ్‌ కోసం సంప్రదించారట. 1.8 కోట్ల పారితోషికాన్ని ఆఫర్‌ చేయడంతో పాటు, అందాల ప్రదర్శణ చేయనవసరం లేదు అంటూ చెప్పడంతో వెంటనే కీర్తి సురేష్‌ ఓకే చెప్పినట్లుగా తెలుస్తోంది. ఒక వైపు మహానటి సావిత్రి జీవిత చరిత్రలో నటించడంతో పాటు ఇలా ఐటెం సాంగ్‌ చేయడం కీర్తి సురేష్‌కే చెల్లిందని సినీ వర్గాల వారు అంటున్నారు. ప్రస్తుతం టాలీవుడ్‌లో ఈమెకు వరుసగా ఆఫర్లు వస్తున్నాయి. పవన్‌ కళ్యాణ్‌కు జోడీగా ఒక సినిమాలో నటించబోతుంది.
