మహానటి చిత్రంలో కీర్తి సురేష్‌ ప్రదర్శించిన నటనకు గాను కీర్తి సురేష్‌కు జాతీయ సినీ అవార్డు దక్కిన విషయం తెల్సిందే. కీర్తి సురేష్‌ తన నటనతో సినిమాను సూపర్‌ హిట్‌ చేసిందనడంలో ఎలాంటి సందేహం లేదు. ఇక తాజాగా సైమా అవార్డుకు కూడా ఎన్నికైన కీర్తి సురేష్‌ తాజాగా దుబాయిలో జరిగిన వేడుకకు వెళ్లింది. సైమా అవార్డు వేడుకలో చిరంజీవి కూడా పాల్గొన్నాడు. చిరంజీవి ఎదురు పడ్డ సమయంలో కీర్తి సురేష్‌ వినమ్రంగా ఆయన కాళ్ల వద్ద కూర్చుని ఆశీసులు అందుకుంది.
మెగాస్టార్‌ వంటి ప్రముఖ వ్యక్తితో శుభాకాంక్షలు అందుకుంది. అదే సమయంలో చిరంజీవి నుండి ఆశీర్వాదం కూడా తీసుకుంది. గతంలో మహానటి విడుదలైన సమయంలో చిరంజీవి స్వయంగా కీర్తి సురేష్‌తో పాటు ఇతర చిత్ర యూనిట్‌ సభ్యులను పిలిచి అప్పుడు కూడా సన్మానించిన విషయం తెల్సిందే. ఇప్పుడు జాతీయ అవార్డు మరియు సైమా అవార్డులు రావడం పట్ల చిరంజీవి శుభాకాంక్షలు తెలియజేయడం జరిగింది. ప్రస్తుతం ఈ ఫొటో సోషల్‌ మీడియాలో వైరల్‌ అవుతుంది. ఎంత ఎదిగినా చిరంజీవి ముందు ఒదిగి కూర్చుని ఆశీర్వాదం తీసుకుంది అంటూ కీర్తి సురేష్‌ గురించి ప్రశంసల జల్లు కురుస్తుంది.
