పవర్ స్టార్‌ పవన్‌ కళ్యాణ్‌ ప్రస్తుతం నటిస్తున్న చిత్రం ‘కాటమరాయుడు’. డాలీ దర్శకత్వంలో శరత్‌ మారార్‌ నిర్మిస్తున్న ఈ చిత్రంలో హీరోయిన్‌గా శృతిహాసన్‌ నటిస్తుంది. ప్రస్తుతం ఈ సినిమాకు సంబంధించిన చివరి పాట చిత్రీకరణలో యూనిట్‌ సభ్యులు ఉన్నారు. ఇదే సమయంలో ఈ సినిమా ఒక్కో పాటను విడుదల చేస్తూ ఉన్నారు. ఇటీవలే టైటిల్‌ సాంగ్‌ను విడుదల చేసిన కాటమరాయుడు నేడు లాగే లాగే.. అంటూ మరో పాటను విడుదల చేశాడు.
మొదటి పాటలో పాస్ట్‌బీట్‌తో మాస్ ఆడియన్స్‌ను ఆకట్టుకున్న సంగీత దర్శకుడు అనూప్‌ రూబెన్స్‌ ఈ పాటలో కాస్త మెలోడీతో మెప్పించాడు. మాస్ మరియు క్లాస్‌ ఆడియన్స్‌ను ఆకట్టుకునేలా ఈ పాట ఉంది. పాటలోని సాహిత్యం కూడా బాగుంది. మొదటి పాటను మించి రెండవ పాట ఉందని పవన్‌ ఫ్యాన్స్‌ ఫుల్ ఖుషీ అవుతున్నారు. ఈ సాంగ్‌ను నకాష్‌ అజీజ్‌తో అనూప్‌ పాడిరచాడు. పాటకు అదిరిపోయే రెస్పాన్స్‌ వస్తుందని చెప్పడానికి యూట్యూబ్‌లో వ్యూస్‌ను చూపించొచ్చు. కేవలం కొన్ని నిమిషాల వ్యవధిలోనే ఈ పాటకు అయిదు లక్షల వ్యూస్‌ వచ్చాయి. ఈపాట కూడా మరో రికార్డును సొంతం చేసుకోవడం ఖాయంగా కనిపిస్తుంది. ఈపాట సినిమాలో ఎలా ఉంటుందో చూడాలని ఫ్యాన్స్‌ కోరుకుంటున్నారు.
