రాజమౌళి తెరకెక్కించిన ‘బాహుబలి 2’ సంచలన విజయాన్ని గురించి ప్రత్యేకంగా చెప్పాల్సినక్కర్లేదు. ప్రముఖ రచయిత విజయేంద్ర ప్రసాద్‌ అందించిన కథతో ఆయన తనయుడు రాజమౌళి ఈ అద్బుత చిత్రాన్ని తెరపై చూపించి సక్సెస్ అయ్యాడు. ఈ చిత్రాన్ని సీరియల్‌గా బుల్లితెర మీదకు తీసుకువస్తాం అంటూ ‘బాహుబలి’ టీం ఇదివరకే ప్రకటించింది. కొన్ని మార్పులు చేర్పులు చేసి ‘బాహుబలి’ సీరియల్‌ను బుల్లితెర మీదకు తీసుకురావడానికి సన్నాహాలు చేస్తున్నారు.
ప్రస్తుతం ఈ ధారావాహికకు కావాల్సిన నటీనటులను కూడా ఎంపిక చేస్తున్నారు. ‘బాహుబలి’ చిత్రంలో అనుష్క పోషించిన దేవసేన పాత్ర కోసం హీరోయిన్‌ కార్తీకను సంప్రదించారట. దేవసేనగా కనిపించే అవకాశం రాగానే ఈ అమ్మడు వెంటనే ఒకే చేసిందని సమాచారం. ‘బాహుబలి’ సీరియల్‌లో కార్తీకను అనుష్క పాత్ర కోసం ఎంపిక చేశారు. తెలుగులో పలు చిత్రాల్లో నటించినా కూడా ఈ అమ్మడికి పెద్దగా అవకాశాలే లేవు. దాంతో ఈ సమయంలో ‘బాహుబలి’ చిత్రంలో నటించే అవకాశం రావడంతో కార్తీక సంబరపడుతూ వెంటనే గ్రీన్‌ సిగ్నల్‌ చ్చేసింది. ఈ అమ్మడు చైతూ సరసన ‘జోష్‌’ చిత్రంలో నటించి పర్వాలేదనిపించింది. ఆ తర్వాత చెప్పుకోదగ్గ సినిమాలేవి చేయలేదు.
