స్టార్‌ హీరో సూర్య తమ్ముడిగా ఎంట్రీ ఇచ్చిన కార్తీ అతి తక్కువ కాలంలోనే తన నటనతో అందరిని మెప్పించాడు. ఈయనకు తమిళంతో పాటు తెలుగులో కూడా చాలామంది ఫ్యాన్స్‌ ఉన్నారు. విభిన్నమైన సినిమాలను చేస్తు తనకంటూ ప్రత్యేక గుర్తింపును సొంతం చేసుకున్న కార్తీ తాజా చిత్రం ‘ఖైదీ’. అక్టోబర్‌ 26న ఈ చిత్రాన్ని ప్రేక్షకుల ముందుకు తీసుకురావడానికి చిత్ర యూనిట్‌ సన్నాహాలు చేస్తున్నారు. ఈ చిత్రానికి సంబంధించిన వార్త ఒకటి ఆసక్తికరంగా మారింది. ఈ చిత్రంలో కమర్షియల్‌ ఎలిమెంట్స్‌ చాలా తక్కువగా ఉన్నాయట. అంతేకాకుండా సినిమా మొత్తం కూడా చాలా సీరియస్‌గా సాగుతుందని టాక్‌.
అయితే మరీ ఇంత సీరియస్‌గా సాగే కథ తెలుగు ప్రేక్షకులకు నచ్చడం కష్టమే. తెలుగు వారికి ఎంటర్‌టైన్‌మెంట్‌తో పాటు చివరికి సుఖాంతం అయితేనే నచ్చుతేంది. ఇలాంటి సినిమాలు తమిళంలో సక్సెస్‌ అయ్యాయి కానీ తెలుగులో మాత్రం అలాంటి దాఖలాలు లేవు. దాంతో ఈ సారి ఖైదీ తమిళ తంబీలకు మాత్రమే చెప్పవచ్చు. కానీ కార్తీ సన్నిహితులు మాత్రం ఈ సినిమా తర్వాత కార్తీ నటనకు మంచి గుర్తింపు వస్తుంది. ‘ఖైదీ’తో కార్తీ విమర్శకుల ప్రశంసలు అందుకోవడం ఖాయం అని అంటున్నారు. కార్తీ ఈ కొత్త ప్రయత్నాన్ని అంతా అభినందిస్తారు కానీ తెలుగు అభిమానులకు మాత్రం కాస్త నిరాశే మిగలనుంది.
