‘కన్నుల్లో నీ రూపమే’ ట్రైలర్‌ రివ్యూ

యువ హీరో నందు, తేజస్విని ప్రకాష్‌ జంటగా తెరకెక్కిన ప్రేమ కథా చిత్రం ‘కన్నుల్లో నీ రూపమే’. ఈ చిత్రంతో బిక్స్‌ దర్శకుడిగా పరిచయం అవుతున్నాడు. ఈ చిత్రం షూటింగ్‌ పూర్తి చేసుకుని విడుదలకు సిద్దం అయ్యింది. ఒక క్యూట్‌ లవ్‌ స్టోరీతో ఫ్యామిలీ ఆడియన్స్‌ను ఆకట్టుకునేలా తెరకెక్కించిన ఈ సినిమా ట్రైలర్‌ తాజాగా విడుదల చేశారు. ట్రైలర్‌తో సినిమాపై అంచనాలు భారీగా పెరుగుతున్నాయి. ట్రైలర్‌ ఆకట్టుకునే విధంగా, కలర్‌ ఫుల్‌గా ఉంది. ఇప్పటికే పలు చిత్రాల్లో నటించి మెప్పించిన నందు ఈ చిత్రంలో మరోసారి చక్కని నటనను కనబర్చాడు అనేందుకు ట్రైలర్‌లో చూస్తున్న షాట్స్‌తో చెప్పేయొచ్చు.

దర్శకుడు బిక్స్‌ తను చెప్పాలనుకున్న ప్రేమకథను ఒక చక్కని కుటుంబ కథతో చెప్పినట్లుగా అనిపిస్తుంది. పృథ్వీ కామెడీ సినిమాకు మరింతగా ప్లస్‌ అవుతుందనిపిస్తుంది. ఇక సంగీత దర్శకుడు సాకేత్‌ బ్యాక్‌ గ్రౌండ్‌ స్కోర్‌తోనే ఆకట్టుకున్నాడు. పాటలు కూడా తప్పకుండా బాగుంటాయని అనిపిస్తుంది. సినిమాకు ప్రధానంగా బ్యాక్‌ గ్రౌండ్‌ స్కోర్‌ ఆకట్టుకునే విధంగా ఉండాలి.

సినిమాలోని సీన్స్‌ను హైలైట్‌ చేసే విధంగా సాకేత్‌ బ్యాక్‌ గ్రౌండ్‌ స్కోర్‌ ఉంటుందనిపిస్తుంది. ఈ చిత్రం తర్వాత సాకేత్‌కు మంచి ఆఫర్స్‌ వస్తాయని ఇతర చిత్ర యూనిట్‌ సభ్యులు చెబుతున్నారు. ‘కన్నుల్లో నీ రూపమే’ చిత్రానికి సాకేత్‌ అందించిన బ్యాక్‌ గ్రౌండ్‌ స్కోర్‌ హైలైట్‌ అవుతుందని, అలాగే పాటలు కూడా శ్రోతలను ఆకట్టుకుంటాయని చిత్ర యూనిట్‌ సభ్యులు చెబుతున్నారు.