నందమూరి హీరో కళ్యాణ్‌రామ్‌ ఒకపక్క నిర్మాతగా పెద్ద చిత్రాలను నిర్మిస్తూనే హీరోగా కూడా వరుస చిత్రాలతో ప్రేక్షకుల ముందుకు వస్తున్నాడు. ‘పటాస్‌’ చిత్రంతో మంచి హిట్‌ను సొంతం చేసుకున్న కళ్యాణ్‌రామ్‌ ‘ఇజం’ చిత్రం ఫ్లాపునే చవి చూశాడు. తదుపరి ఈయన ఉపేంద్ర మాదవ దర్శకత్వంలో ‘ఎమ్మెల్యే’ చిత్రంలో నటించడానికి రెడీ అవుతున్నాడు. రాజకీయ నేపథ్యంలో సాగే ఈ చిత్రంలో కళ్యాణ్‌ రామ్‌ పవర్‌ఫుల్‌ పాత్రలో కనిపించనున్నాడు అని ఫిల్మ్‌ నగర్‌లో టాక్‌ వినిపిస్తోంది.
ఈ చిత్రంలోని స్టయిలిష్‌ లుక్‌ కోసం కళ్యాణ్‌రామ్‌ ఇప్పటికే కసరత్తులు మొదలెట్టాడు. తాజాగా కళ్యాణ్‌ రామ్‌ స్టిల్‌ ఒకటి సోషల్‌ మీడియాలో తెగ వైరల్‌ అవుతోంది. ఈ స్టిల్‌లో కళ్యాణ్‌రామ్‌ అదిరిపోయే లుక్‌లో ఉన్నాడు. ఇదివరకు కనిపించని పవర్‌ఫుల్‌ లుక్‌, స్టయిలిష్‌గా ఉండి ఆకట్టుకున్నాడు. ఈ చిత్రంలో కళ్యాణ్‌ రామ్‌ సరసన కాజల్‌ అగర్వాల్‌ రొమాన్స్‌ చేయనుంది. కళ్యాణ్‌ రామ్‌, కాజల్‌లు కలిసి ‘క్ష్మి కళ్యాణం’ చిత్రంలో రొమాన్స్‌ చేశారు. మరోసారి ఈ జంట ‘ఎమ్మెల్యే’లో జత కట్టబోతున్నారు.
