ముద్దుగుమ్మ కాజల్‌ అగర్వాల్‌ అందంతో పాటు చక్కటి అభినయాన్ని కలిగి ఉన్న హీరోయిన్‌. ఈ అమ్మడు నటించిన వరుస చిత్రాలు హిట్‌ అయ్యే వరకు పారితోషికాన్ని భారీగా పెంచేసింది. దాంతో కొన్ని రోజులు కాజల్‌ ఖాళీగా ఉంది. ఆ తర్వాత ఎన్టీఆర్‌ చిత్రంలో ప్రత్యేక పాటలో చిందులేసింది. ఇక కాజల్‌కు అవకాశాలు రానట్టే అనుకున్న సమయంలో మెగాస్టార్‌ చిరంజీవి సరసన నటించే అవకాశం వచ్చింది. చిరు రీ ఎంట్రీ ఇస్తున్న ఈ చిత్రంలో హీరోయిన్‌ కోసం కాజల్‌కు భారీగానే ఆఫర్‌ చేశారు. దాంతో కాజల్‌ చిరు సరసన ‘ఖైది నెం.150’లో నటించి సక్సెస్‌ను సొంతం చేసుకుంది.
మరో సక్సెస్‌ ఈ అమ్మడి బుట్టలో పడే వరకు మళ్లీ భారీగా డిమాండ్‌ చేస్తోంది. దాంతో నిర్మాతలు పూర్తిగా కాజల్‌ను పక్కకు పెట్టారు. కాజల్‌కు తెలుగులో కొత్త అవకాశాలేవి లేవు. తాజాగా ఈ అమ్మడిని అవకాశాల గురించి అడగగా అవకాశాలు వస్తే రానీ లేకపోతే లేదు అని, నేనెప్పుడు అవకాశాలను అడక్కోలేదు, నా కోసం పుట్టిన పాత్రలను మాత్రమే చేస్తాను, అవకాశాల కోసం పాకులాడను అంటూ చాలా అడసుగా సమాధానం చెప్పింది. అవకాశాల పట్ల ఈ అమ్మడు ఇంత గడుసుగా సమాధానం చెప్పడంతో అది విన్న మీడియా వారు వామ్మో… కాజల్‌కు చాలా ఉంది అని షాకవుతున్నారు.
